Pas mbarimit të programit Big Brother VIP në rrjet filloi të qarkullonte lajmi se Ed Manushi i ofroi ish-banores së kësaj shtëpie Heidi Baçit t’i bashkohej grupit të “Top Arena”, ndërsa kjo e fundit e refuzoi.
Ndonëse nuk pati asnjë reagim nga askush, rezultoi se lajmi ishte e vërtetë dhe arsyen se përse Heidi e refuzoi ofertën e tregoi po në Top Arena.
“Pse ti e refuzove… se këtu më mbytëm mediat atëherë…’ Heidi i thotë jo Manushit’ titujt, u kënaq gjithë dynjaja” – u shpreh Manushi.
“Unë e vlerësoj shumë, por erdhi shumë shpejt oferta. Kisha nevoje të qartësohesha sepse mua jeta pas kësaj eksperience më ka ndryshuar 3 herë. Jeta në Itali, 5 muaj në Big dhe pastaj një jetë komplet tjetër jashtë.
Kisha nevojë të merrja kohën time, pastaj kemi ca projekte të tjera unë me Romeon. Unë i bëj gjërat me qejf, jo për diçka tjetër dhe ndaj më duhej kohë. Nuk isha gati.” – ka thënë Heidi.
