Një pritje e jashtëzakonshme ka shoqëruar mbërritjen e aktores hollivudiane Julia Roberts në Festivalin e 81-të të Filmit në Venecia. Për herë të parë në karrierën e saj, ylli i kinemasë ka shkelur tapetin e kuq të Mostrës, duke tërhequr vëmendjen e mediave dhe admirimin e publikut.
Roberts ndodhet në Venecia me filmin “After the Hunt: Pas gjuetisë” të regjisorit italian Luca Guadagnino, një prodhim që shfaqet jashtë konkurrimit dhe që do të nisë në sallat e kinemave më 16 tetor.
Në këtë projekt, aktorja interpreton rolin e Alma Olsson, një pedagoge filozofie në Universitetin e Jeilit. Jeta e saj përmbyset kur një koleg dhe mik i vjetër, i luajtur nga Andrew Garfield, akuzohet për ngacmime seksuale nga një studente e tij e shkëlqyer.
Ngjarja hap rrugën për një dramë psikologjike që prek tema delikate mbi pushtetin, besimin dhe marrëdhëniet njerëzore.
Me këtë rol, Julia Roberts i shton filmografisë së saj një interpretim të ri të fuqishëm, ndërsa bashkëpunimi me Guadagninon pritet të jetë një nga ngjarjet më të komentuara të sezonit kinematografik./Versus.al
