Dita e enjte, pritet të ndikohet nga kushte atmosferike relativisht të paqëndrueshme, me alternime kthjellimesh dhe vranësirash kalimtare.
Gjatë orëve të paradites moti do të jetë kryesisht i kthjellët në zonat bregdetare dhe të ulëta, ndërsa në zonat malore do të ketë zhvillim të vranësirave lokale, të cilat në disa raste mund të shoqërohen me reshje të dobëta dhe afatshkurtra shiu.
Në orët e pasdites pritet rritje e paqëndrueshmërisë atmosferike, sidomos në veri dhe verilindje të vendit, ku mund të shfaqen reshje të izoluara në formë shtrëngatash të shkurtra.
Era pritet të fryjë e lehtë deri mesatare nga drejtimi veriperëndimor, me shpejtësi 3-7 m/s. Në zonat bregdetare mund të ketë rritje të përkohshme të intensitetit të erës gjatë pasdites.
Deti Adriatik dhe Jon do të paraqiten me valëzim të ulët deri mesatar 2-3 ballë. Versus.al
