Aktori i humorit kosovar, Osman Azemi bëri një deklaratë para pak ditësh për sa i përket marrëdhënies së shqiptarëve ndaj kosovarëve duke i quajtur xhelozë, gjë që ngriti shumë debate në rrjet.
Aktori tha se shqiptarët ngaqë nuk kanë personalitete me famë botërore si Dua Lipa, Rita Ora, Xherdan Shaqiri...etj, ndihen xhelozë për kosovarët, një deklaratë kjo aspak e zakontë.
Mirëpo ka patur reagime të shumta nga personazhet publikë për sa i përket kësaj çështjeje.
Një prej tyre ka qenë edhe reperi Noizy, i cili duket mjaft i mllefosur dhe thotë se mes shqiptarëve dhe kosovarëve nuk ka kufi dhe se jemi të pandarë.
“Kjo video shkon për Osman Agaun, o aga, ndërroje mallin o aga – merre pak më të butë. Po nuk e ka zili vëllai vëllain more aga. O Osman, ndërroje mallin, ndërroje edhe emrin,” dëgjohej duke thënë Noizy në video, duke i dhënë një përgjigje të drejtpërdrejtë dhe të fuqishme deklaratave të aktorit, por më pas e fshiu nga rrjeti duke postuar një tjetër reagim.
"Arsyeja pse reagova nuk është se Osman djali më bëri të ndihem keq, por është koha tu japim fund këtyre gjërave, pasi po përhapen si shumë…Jena një, mos harroni kurrë", thotë ndër të tjera reperi.
Ndërkaq një reagim ka bërë edhe aktori Jul Deda, i cili po ashtu nuk e ka pritur aspak mirë atë që është thënë për qëndrimin e shqiptarëve duke i dhënë një përgjigje të merituar kogelut të tij.
“Nuk më ërdhi shumë mirë, e para se e kam koleg, e dyta se është artist dhe e treta është njeri public dhe ajo që është më e rëndësishmja është shqiptar gjithashtu. Nuk mund të flasë një shqiptar për shqiptarin në atë lloj forme. Vura re në fjalët e tij një lloj mllefi, një lloj dashakeqësie në ato që tha”, shprehet Deda, ndërkohë që përmend edhe ardhjen e hershme të aktorit në Portokalli dhe mbështetjen që i është dhënë për tu bërë i njohur edhe në Shqipëri.
Më poshtë keni edhe videot e plota të reagimit të dy figurave publike ndaj cilësimit që iu bë shqiptarëve për raportin ndaj kosovarëve./ Versus.al
