Një grua qëndroi për më shumë se 60 orë në majë të një peme për t'i shpëtuar përmbytjeve në Gjermani
Ajo rezultonte e zhdukur për më shumë se 60 orë, kur në fakt gruaja rreth të tridhjetave ishte pozicionuar në majë të një peme për t'i shpëtuar përmbytjeve që preken Gjermaninë.
Emri I gruas, I cili nuk bëhet I ditur nga mediat gjermane, ishte në mesin e të zhdukurve që prej mbrëmjes së së shtunës, por ajo u shpëtua nga policia të martën. Bild raporton se ajo kishte arritur të gjente strehë rreth dy metra mbi ujë, në majën e një peme të shkulur.
Mbrëmjen e së shtunës, ajo kishte tentuar të kontaktojë me numrin e urgjencës, por komunikimi me urgjencën është ndërprerë. Ajo u gjet afër qytetit të Neu-Ulm, "pothuajse e padëmtuar", por e dobësuar dhe e dehidratuar. Gruaja njoftojnë mediat gjermane u dërgua në spital, për të qenë nën kontrollin e mjekëve.
Gjermania jugore është goditur nga përmbytje të tmerrshme ditët e fundit. Të paktën pesë persona rezulton se kanë humbur jetën.
