Reperi nga Ferizaj, Betim Januzi, i njohur me emrin e artit Buta, ka folur pa filtra në një intervistë për emisionin Prive, duke bërë kështu daljen e parë pas arrestimit dhe lirimit nga komisariati pasi u kap me lëndë narkotike.
Ai diskutoi mbi ndikimin e atësisë në jetën e tij, por nuk hezitoi të vendosë kufij kur bëhet fjalë për përmbajtjen e muzikës së tij. Pavarësisht se është bërë baba për herë të parë në shkurt të vitit 2024, me lindjen e vajzës së tij Irina, Buta nuk premton se muzika e tij do të ndryshojë për të qenë më “e pranueshme”.
“Nuk më takon mua t’ua edukojë fëmijët,” u shpreh reperi.
“Nuk i kisha preferu prindërit me i lënë fëmijët e tyre me ngu muzikën tem se është muzikë e pacensuruar.”
Këto deklarata vijnë në një kohë kur shumë artistë ndihen të detyruar të zbutin përmbajtjen për publik më të gjerë. Por Buta duket i qartë në misionin e tij: muzika është arti i tij, dhe nuk është manual edukimi për fëmijë. Megjithatë, ai pranon se roli i babait e ka ndryshuar në mënyrë thelbësore.
“Irina është motivi dhe forca ime për jetë,” tha ai.
Reperi shton se tani është më i vetëdijshëm për vlerat që përcjell në jetën e përditshme, edhe pse muzika e tij mbetet e pandryshuar në thelb.
“Tani jam më i fokusuar te shembulli që u jap fëmijëve, jo te censura në art,” tha reperi. Versus.al
