Reperi i njohur shqiptar nga Ferizaj, Buta është liruar nga burgu sipas vendimit që gjykata mori sot.
Ky lajm është konfirmuar për mediat e Kosovës nga avokati i reperit, Naum Ferati i cili u shpreh: Butës i është ndërprerë masa e paraburgimit.
Buta u arrestua më 11 shtator, ndërsa një ditë më pas më 12 shtator gjykata caktoi masën e paraburgimit ndaj tij. Ai u mbajt në qeli për disa javë nën dyshimin se ishte i përfshirë në shitblerjen e drogës dhe armëmbajtje pa leje.
Pas seancës së sotme, gjykata mori vendim që ai të lirohej nga paraburgimi, duke marrë parasysh kërkesën e reperit dhe argumentet e mbrojtjes.
Para trupit gjykues, Buta theksoi se ka përgjegjësi të mëdha familjare, duke theksuar se është i vetmi mashkull në familjen e tij.
“Jam i vetmi mashkull në familje dhe kujdesem për nënën 63-vjeçare, vajzën 1-vjeçare dhe bashkëshorten time. Pa mua ato nuk mund t’i përballojnë nevojat bazike të jetës,”- mësohet të jetë shprehur reperi. Versus.al
