Prej para pak ditësh, emri i reperit Mozzik ka qenë kryefjalë nëpër media dhe rrjete sociale pas ndalimit të tij nga dogana e Kosovës për shkak të dy orëve luksoze që ai mbante me vete. Origjina e tyre dhe vlera e raportuar ngriti dyshime. Ndërsa sot u zbulua se ora ‘’Richard Mille’’, ishte fallco.
Kjo gjë nuk i ka shpëtuar reperit Noizy i cili edhe më herët pretendoi se ora e Mozzikut nuk ishte e vërtetë. Ky postim është komentuar gjerësisht nga ndjekësit, të cilët e lidhën menjëherë me situatën e Mozzik, duke ndezur edhe më shumë rivalitetin mes dy reperëve të njohur të skenës shqiptare.
Çfarë ndodhi sot?
Ditën e sotme ekzaminimet për këtë orë treguan se ajo është false. Kështu të paktën bëri të ditur shoqëria e avokatëve “Vokshi&Lata”, që njëherësh janë edhe përfaqësues ligjorë të kompanisë zvicerane “Richard Mille”.
“Ora e ndaluar në Doganën e Kosovës nuk është origjinale Richard Mille”, thuhet në reagim.
Si përfaqësues ligjorë të markës prestigjioze zvicerane “Richard Mille”, kompania tha se konfirmojmë se ora e sekuestruar së fundmi nga Dogana është një falsifikat, sipas verifikimit zyrtar të kryer nga kompania “Richard Mille”.
“Rezultati është komunikuar tashmë zyrtarisht me Doganën e Kosovës dhe procedurat ligjore do të vazhdojnë”, tha kompania e avokaturës në fjalë. Versus.al
