Aktivistja shqiptaro-amerikane Evi Kokalari ka reaguar pasi në mediat shqiptare u përhap një lajm pët një padi të ngritur ndaj saj nga këngëtarja Bleona Qereti.
Kokalari ka shprehur indinjatën e saj se si mediat janë treguar të njëanshme duke dhënë vetëm njërën anë të medaljes, ndërkohë ka treguar se kush po përpiqet ta dëmtojë figurën dhe karakterin e saj në Shqipëri.
Postimi i plotë i Evi Kokalarit:
KUSH ËSHTË JERINA LALAJ QË KA LANCUAR NJË SULM MEDIATIK MASIVË KUNDËR MEJE PËR TË MË DËMTUAR FIGURËN DHE KARAKTERIN NË SHQIPËRI?
EuroNews është e vetmja që ka treguar profesionalizem dhe ka kërkuar komentin tim përpara se të publikojnë një deklaratë të shkruar me tituj bombë, duke përdorur copëza nga një padi absurde, në një fushatë të mirëmenduar për dëmtim karakteri.
Turp të gjithë ju të tjerëve që e keni botuar thjeshtë se ja u nisën, dhe nuk morrët mundimin të kerkoni një koment.
Profesionalizmi juaj është dokumentuar tashmë.
Përgjigjen time të EuroNews’ e gjeni më poshtë, por ndërkohë dua të di kush është kjo Jerina Lalaj që ka përgatitur këtë fushatë të pisët mediatike kundër meje, qartazi me qëllim vetëm dëmtimin e karakterit tim. Nuk e njoh dhe jam e sigurt që nuk i kam bërë kurrë gjë, kështu që më duhet të kuptoj arsyet mbas kësaj fushate të pisët.
Në fakt, Lalaj vet, ka 48 orë kohë ta tërheq nga të gjitha mediat, ose do paditet në Gjykatë për këtë fushatë të pajustifikueshme.
Reagimi i plotë i Evi Kokalarit per Euronews:
“Deklarata për shtyp që paditësja i ka nisur medias Shqiptare sot, është absurditet sidomos kur zgjedhë copëzat të saj thjeshtë për të dëmtuar figurën time, ndërkohë që për dëmtim figure më akuzon në këtë padi.
Nuk di nëse duhet ta quaj tragjedi sociale këtë fenomen, ku individë të fushës së artit aludojnë se jemi ne të politikës që po ju dëmtojnë reputacionin, apo janë ata që fusin hundët në çështjet dhe marrëdhëniet tona, duke sjellur dëme në relacione politike që janë ndërtuar për të ndihmuar në çështjet e Shqipërisë dhe Kosovës. Të përmëndësh emra që janë pjesë e administratës së President Trump, në një padi kaq ordinere, dhe pastaj ta çosh për publikimin në median Shqiptare, është diçka që do ti kthehet paditësit vet si boomerang.
Përtej kësaj, padia ka absurditete dhe gënjeshtra, për të cilën janë gati të dalin dëshmitar që janë boll të njohur në Shqipëri. Thjeshtë se ti pretendon diçka në një dokument gjyqi, nuk do të thotë që është e vërtet.
Padinë e kam lexuar në detaje dhe unë dhe ata që kjo ka implikuar në të dhe do ti përgjigjemi së bashku në një zë.
Kjo padi mund të botohej shumë mirë kur të dilte vendimi i gjykatës, dhe ju garantoj që do përfundoj ajo vetë duke më paguar mua personalisht por dhe ata që ka përmëndur (pa asnjë autorizim) në atë padi dhe që sot janë pjesë e administratës Trump. E vetmja keqardhje që kam është që individët e administratës që ka implikuar janë individë që i ka njohur nga unë, dhe këtë s’ja fal vetes, sepse e di që ju ka krijuar stres komplet të panevojshëm duke ngritur pikëpyetje për kredibilitetin tim. Këta individë nuk duan emrat e tyre në asnjë padi, jo më në një padi të një personazhi si Bleona Qerreti.
Ndërkohë, ky dokument është përgatitur dhe nisur nëpër media nga Jerina Lalaj, dhe meqënëse, deklaratën e ka përmbledhur duke e nxjerrë nga konteksti, dhe duke e formuluar të tillë ku dëmton figurën time, rezervojë çdo të drejtë ta hedh atë personalisht në gjyq për deformin karakteri. I jap 48 orë kohë ta tërheq nga çdo portal që e ka dërguar."
