Rigels Rajku, reperi i njohur me emrin e artit “Noizy”, ka reaguar pas shoqërimit në komisariatin e Pejës ku u mbajt për disa orë për të dhënë shpjegime lidhur me rastin e dhunimit të personazhit të tiktokut, Medi Iseni disa netë më parë.
Në një reagim të bërë në rrjetin social “Instagram” reperi mohon të jetë i përfshirë në dhunimin e Medi Isenit duke deklaruar se shumicën e personave që e kishin dhunuar nuk i njihte dhe se e gjitha lidhej me sharjet që Iseni kishte bërë ndaj tyre.
Përndryshe nga pretendimet e Medi Isenit, Noizy thotë se në momentin që kishte shpërthyer përleshja, sigurimi e kishte shoqëruar jashtë dhe se nuk e kishte goditur për asnjë çast personazhin e tik-tokut.
Po ashtu bashkangjitur me reagimin e tij, reperi ka publikuar një video ku shihet teksa personazhi i tik-tokut, Medi Iseni një natë para ngjarjes planifikonte sesi do të shkonte në koncertin që do të mbante Noizy dhe Stresi në Pejë.
“Une nuk preka asnjë person atë natë në Pejë. Në momentin kur ika nga skena dhe sapo kam hyrë ne dhomen e ndërrimit dmth (Backstage) (aty ku ishte personi ne fjalë bashkë me 3 shoket e tij) është sulmuar nga plot djem që shumicën nuk i njoh dhe sja kam idenë se kush janë. Jam shtang nga kjo gjë se ndodhi aq shpejt dhe pa pritur dhe nuk pata shancin te them as nje gjysem fjale. Sapo nisi perleshja, sigurimi me shpejtesi me ka shoqeruar jashte discos ne makin dhe kemi ikur, bashk me 2 shoket e mi qe kisha me vete. Prandaj dhe ne video nuk dukem une, sepse une nuk kam qen aty ne ate moment. Vetem di te them se une isha ne pune kur ai vendosi me ardh mem ra ne qaf sepse i kishte premtuar dikujt nje nate me para ne TikTok ku thot “do iki ne backstage te Noizy dhe do bej pompa”. Dhe, pse ka pas aq shume njerz ne backstage kur ti vendose te hyje aty se di, por di te them se keshtu ndodh ne cdo koncert, hyjn e dalin plot njerz Fansat/Kamarjer/Sigurima/Miq/Koleg etj. Mirepo, nese do mu jepte mundesia me kthy prap ate moment sdo e lejoja asnje me e prek por do ti thoja turp te vije se je 40 vjec bab me fmi. Por mesova me mbrapa, se aty ne ate dhome kishte shar shume njerz tjer dhe jo vec mua, kto jane pasojat kur goja ste ndalet per audience ne tiktok”- shkruan Noizy bashkangjitur videos së publikuar.
Nga ana tjetër, Medi Iseni ka akuzuar edhe reperin Stresi për përfshirje në ngjarje duke thënë se ai e kishte nxjerrë në pritë që më pas të sulmohej barbarisht me doreza hekuri. Për ngjarjen, policia e Pejës shoqëroi dje edhe Stresin në komisariat. Versus.al
