Zhvillimet me nënshkrimin nga Izraeli të armëpushimit në Gaza, të kombinuara me fjalimin e Netanyahut, i cili foli qartë për garanci të rëndësishme nga ana e Trumpit, e lënë çështjen e Ukrainës të kërkojw trajtim të menjëhershëm nga presidenti i ardhshëm të SHBA-së
Bashkëpunëtorët e ngushtë të Presidentit të 47-të kanë nënvizuar gjatë periudhës së fundit se Donald Trump është i sigurt se do të komunikojë drejtpërdrejt përmes telefonit me Vladimir Putin, diçka që edhe pala ruse ka deklaruar se e pret. Trump, i cili është takuar dy herë me Presidentin e Ukrainës, tani duket se ka një kuptim të kristalizuar të asaj që është në rrezik dhe një pasqyrë të qartë të financave nëse vendos të bëjë presion mbi Kievin ose Moskën për t'i dhënë fund luftës. Vonë të shtunën në mbrëmje, rrethi i Trump vuri në dukje se presidenti amerikan tashmë ka një plan të cilin e ka diskutuar në detaje me stafin e tij dhe për të cilin ka kërkuar të thotë fjalën e fundit.
Sipas burimeve specifike, Trump pritet të kërkojë një armëpushim të menjëhershëm nga Rusia dhe pa kushte nga Moska në një vit të dytë - si dhe një takim të menjëhershëm në njw vend me sa duket neutral për të përcaktuar të gjitha detajet për një armëpushim të përhershëm të armiqësive mes Moskws e Kievit. “Trump ka zgjedhur të luajë poker pa blof me Putinin”, thonë burimet specifike, dhe në rast se kërkesa nuk pranohet, ai është plotësisht i përgatitur për të rritur ndjeshëm sanksionet, veçanërisht në sektorin energjetik të Rusisë, dhe në të njëjtën kohë duke i dhënë Zelenskit dritën jeshile për të zgjedhur cilindo nga sistemet e avancuara të armëve amerikane që ai dëshiron në mënyrë që të fitojë luftën siç pretendon ai.
Nëse të gjitha sa më sipër janë të vërteta, atëherë Rusia po përballet me një vendim të vështirë. Nëse Putini pranon një armëpushim të pakushtëzuar, ai do t'u tregojë të gjithëve se homologu i tij i ri amerikan ka qartësisht avantazhin. Nëse ai nuk e pranon pjesën e parë të propozimit të Trump, atëherë ai "po luan ruletë ruse ", sepse nëse luftëtarët amerikanë dhe më shumë armë me rreze të gjatë janë në duart e Ukrainës, atëherë ka mundësi që humbjet në muajt e ardhshëm të jenë shumë të mëdha në terren dhe akoma më e padurueshme në ekonominë, e cila tashmë po lëkundet rrezikshëm.
Në këtë ekuacion, është e qartë se Trump nuk ka përfshirë, Evropën dhe Volodymyr Zelenskyn, të cilët do ta gjejnë veten praktikisht vëzhgues të një çështjeje që i ka munduar kryesisht për gati tre vjet. Kievi pretendon se garancitë nga pala e Trump flasin qartë për një "fundim të vetëm të luftës për Ukrainën" dhe ata janë optimistë për planet e Presidentit amerikan. Përkundrazi, Evropa, më e ndarë se kurrë, nuk ka shumë për të pritur në një kohë kur nuk ka një vend të fortë në Union që nuk po përjeton trazira të brendshme.
