Zëvëndëskryeministrja dhe njëherësh Ministrja e Infrastrukturës dhe Energjisë, Belinda Balluku, gjatë diskutimeve dhe analizimit të buxheti faktik 2023 është shprehur se ky buxhet është më normali i ekonomisë sonë pas tërmetit dhe pandemisë ndërsa theksoi faktin se do të mbahet mend si viti i rritjes së pagave dhe investimeve.
Zv/kryeministrja Balluku shtoi më tej se ndryshimet që janë bërë në këtë buxhet janë përfundimi i punimeve në ujësjellësin e Gjirokastrës dhe Lushnjës, ndërsa kanë nisur punimet për qendrën e trafikut dhe për ujësjellësin në Elbasan.
“Ne ndërkohë nëse sot do të analizonin buxhetin e 2023 është buxheti më normal i ekonomisë sonë mbas tërmetit dhe pandemisë. Financimi i brendshëm është 29.4 miliardë lekë, ndërkohë buxheti i huaj 40.5 % e totalit. Kemi një rritje prej 15 miliardë lekësh të buxhetit fillestar. Realizimi i buxhetit të vitit 2023 është i ngjashëm dhe me buxhetin e mëparshme të ministrisë së Infrastrukturës dhe Energjisë.
Disa nga ndryshimet që janë bërë, janë përfundimi i punimeve në ujësjellësin e Gjirokastrës dhe Lushnjës. Ndërsa, kanë nisur punimet për qendrën e trafikut dhe për ujësjellësin në Elbasan. Sigurisht që buxheti do të mbahet mend për rritjen e pagave të administratës, rritjen e numrit të vizitorëve të huaj dhe për uljen e borxhit.
Nëse do të shtrohej pyetja, qytetarët janë më mirë sot apo dje? Të gjithë do të qeshnin, sepse si paskan shkuar më mirë kur në vitin 2007 nuk kanë pasur zgjidhje”, tha ndër të tjera Balluku./Versus.al
