Ditën e djeshme pati nëj reagim zyrtar nga ana e qeverisë për rastin e skandalit të transportit ndërkombëtar të mbetjeve toksike nga Porti i Durrësit drejt Tajlandës, gjë që u kthye në lajm edhe në mediat e huaja.
Zv.kryeministrja Belinda Balluku tha para gazetarëve se përgjegjësia në këtë rast është e koncesionarit që duhet të zbatojë kodet dhe procedurat e caktuara nga BE dhe jo e Portit të Durrësit. Ndërsa nuk vonoi përgjigjia nga kreu i grupit parlamentar të PD, Gazment Bardhi i cili tha se Balluku po përpiqej të shmangte përgjegjësinë e Portit të Durrësit.
Por në reagimin e tij, nuk përmendet askund kompania Kurum e cila është vënë nën hetim për rastin pasi dyshohet si origjina e mbetjeve toksike. Madje së fundmi pushoi nga puna edhe 500 punonjës të cilët pretendojnë se nuk janë njoftuar më parë.
Sipas mediave opozita nuk e përmend emrin e “Kurum’ pasi administratori i saj Loenc Hastopalli ka qenë me hërët drejtor i Shtabit Elektoral të Gazment Bardhit në Elbasan gjatë zgjedhjeve parlamentare të vitit 2021.
Në ekstraktin e siguruar nga QKB, në vitin 200 kompania “Kurum” ka shtuar objektin e aktivitetit të Shoqërisë me prodhimin, shpërndarjen, tregtimin e energjisë elektrike dhe më pas shtohet emri i ri tregtar “Kurum Energy”.
Për këtë aludim, ka reaguar edhe vetë Bardhi i cili në një reagim të gjatë ku bën me dije se do të kërkojë interpelancë urgjente me kryeministrin Edi Rama për skandalin e mbetjeve, thekson se lajmet e publikuara për heshtjen e opozitës janë të pavërteta.
“I kuptoj Balluk-mediat kombëtare që nuk kanë dijeni për reagimet dhe qëndrimet e opozitës, dhe bëjnë lajme të rreme për heshtje të opozitës, sepse prej kohësh për interesa kriminale të lidhura me Qeverinë dhe aferat e saj, kanë vendosur të mos pasqyrojnë qëndrimet dhe reagimet e përfaqësuesve të opozitës, edhe pse janë transmetues mediatik me licencë kombëtare dhe rrjedhimisht shfrytëzojnë të drejta që konsiderohen pasuri publike”- shkruan Bardhi ndër të tjera në reagimin e tij.
Në vitin 2014, emri tregtar nga "KURUM ENERGY SH.A" , ndryshoi në "Energy Resources", dhe administrator në 2015 emërohet Lorenc Hastopalli. Ai është riemëruar disa herë dhe së fundmi është shtuar si administrator nga data 10/11/2022 deri në 10/11/2024. Çështja e transportit të mbetjeve toksike është kthyer në debat kryesor kombëtar dhe ndërkombëtar. Madje në një reagim Konfindustria e cilësoi skandalin si tepër ndikues për ekonominë dhe turizmin e vendit, duke i bërë thirrje SPAK-ut të hetojë zinxhirin e kontrollit në Portin e Durrësit apo në pozicione më të larta. Versus.al
