Media greke Prothema.gr i ka kushtuar një artikull zgjedhjeve të përgjithshme të 11 majit në Shqipëri.
Në artikullin e saj media helene shkruan se Edi Rama duket se do të bëhet kryeministri i parë shqiptar që siguron një mandat të katërt.
Nga 94% të votave të numëruara shton më tej Prothema.gr, Partia Socialiste ka marrë 52% të votava, ndërsa partia kryesore e opozitës 34%.
Edi Rama duket se do të bëhet kryeministri i parë shqiptar që siguron një mandat të katërt.
Në mesditën e së martës, me 94% të votave të numëruara, rizgjedhja e Ramës është pothuajse e sigurt, duke e çuar kështu Partinë Socialiste drejt fitores kundër Partisë Demokratike të qendrës së djathtë të Sali Berishës.
Konkretisht, Partia Socialiste në pushtet e Ramës mori 52% të votave krahasuar me 34% për partinë kryesore të opozitës, sipas shifrave zyrtare nga komisioni zgjedhor, ndërsa rezultatet zyrtare do të shpallen më vonë gjatë ditës. Pjesëmarrja paraprake në zgjedhjet e së dielës ishte gati 42.16%, ose 4% më e ulët se katër vjet më parë.
Fitorja zgjedhore e Ramës dhe premtimi i anëtarësimit në BE
“Është një rezultat që tejkalon të gjitha pritjet, madje edhe para numërimit të plotë të votave”, tha një burim nga qeveria shqiptare për Guardian. "Fitorja e katërt radhazi është fenomenale. Edi ka çdo arsye për të qenë shumë i lumtur."
60-vjeçari Edi Rama, në pushtet që nga viti 2013, e kishte bazuar pjesën më të madhe të fushatës së tij zgjedhore në premtimin e tij për të integruar Shqipërinë në BE - të cilin ai u zotua ta përfundonte brenda 5 viteve nga tetori 2024.
Nga ana e tij, 80-vjeçari Berisha, i cili ishte gjithashtu presidenti i parë i vendit pas rënies së Bashkimit Sovjetik më shumë se tre dekada më parë, argumentoi se Shqipëria nuk ishte aspak gati për anëtarësim në BE.
Gjithashtu vihet re se Partia Demokratike e Berishës kishte bashkuar forcat me 20 grupe të tjera politike me shpresën e largimit të Ramës nga pushteti.
Megjithatë, fitorja e socialistëve ishte e dukshme që në mëngjesin e hershëm të së hënës.
Mbi 190,000 shqiptarë jashtë vendit votuan me postë
Analistët thanë se Partia Socialiste duket se ka fituar mbështetjen e votuesve jashtë shtetit pasi komunitetit të madh shqiptar jashtë shtetit iu lejua të votonte me postë për herë të parë.
U numëruan më shumë se 192,000 vota nga gati 246,000 shqiptarë që ishin regjistruar për të votuar jashtë vendit para zgjedhjeve të së dielës. Shqipëria aktualisht ka 2.7 milionë banorë.
Sipas një sondazhi të Eurobarometrit të publikuar në nëntor, 83% e shqiptarëve mbështesin anëtarësimin në BE, përqindja më e lartë në të gjithë Ballkanin Perëndimor./Versus.al
