Sipërmarrësja Vilma Nushi ka qenë kryetema e debatit mes deputetëve të PS dhe të PD gjatë mbledhjes së sotme në koncesionin për ‘Sterilizimin dhe Check Up’.
Deputetët socialistë kërkuan që demokratët të mos përmendin emra, ndërsa deputeti Saimir Korreshi akuzoi biznesmenen Nushi se ka përvetësuar 1.5 milionë euro nga buxheti i shtetit për koncesionin e Sterilizimit.
Por kush është Vilma Nushi dhe çfarë lidhje ka ajo me koncesionet në Shëndetësi?
Binzesmenja akuzohet nga opozita se sipas një raporti të KLSH, ka përfituar vetëm nga koncesioni i Check Up rreth 4 milionë euro nga buxheti i shtetit për 250 mijë analiza të cilat nuk janë bërë asnjëherë. Konkretisht 1.7 milionë euro në 2015-ën dhe 2.3 milionë euro në 2016-ën. Sipas një denoncimi të bërë nga vetë kryetarja e komisionit hetimor të koncesioneve në Shëndetësi, Albana Vokshi, Vilma Nushi me kompaninë e saj “Marketing & Distribution” do të përfitojë përgjatë 10 viteve të këtij koncesioni rreth 50 milionë euro pa kryer shërbime.
Debatet e sotme në komisionin hetimor kanë qenë lidhur me mos-thirrjen e Vilma Nushit për të dëshmuar t’u përgjigjur pyetjeve të bëra nga ana e deputetëve. Versus.al
