Sekretari i Përgjithshëm, Blendi Klosi ka zbuluar emrat të cilët janë zgjedhur nga votimi për organet e larta drejtuese të Partisë Socialiste.

Tashmë anëtarët e rinj të Kryesisë së PS-së do të jenë:

“Albana Kociu, Anila Denaj, Etilda Gjonaj, Klodiana Spahiu, Lindita Nikolla, Arben Pëllumbi, Erion Brace, Eduart Shalsi, Igli Hasani dhe Toni Gogu. Që do të fillojë punë që nga dita e nesërme për të organizuar planin “Shqipëria 2030”.

Është respekt të jesh anëtar i PS-së. Fushata zgjedhore i afrohet kulmit të saj. E quaj një përgjegjësi dhe vlerësim të jashtëzakonshëm të rikonfirmimit tim në këtë detyrë”, tha ai.

Klotilda Bushka, Delina Ibrahimi, Piro Vengu dhe Vangjel Tavo nuk ka mundur të fitojnë.

Ndërsa janë zgjedhur dhe sekratarët e rinj të Partisë Socialiste.

Përbërja e Sekretariatit të PS-së:

Blendi Klosi Sekretar i Përgjithshëm

Damian Gjiknuri Sekretar i Organizmit të Zgjedhjeve

Evis Kushi Sekretare e Gruas

Milva Ikonomi Sekretare për Programin

Romina Kuko Sekretare për Marrëdhëniet Ndërkombëtare

Roi Bashaj Sekretar për Rininë

Pas Partisë Demokratike, sot në Asamblenë Kombëtare ka bërë publik emrat e drejtuesve politikë nëpër qarqe.

Tashmë janë më të qarta përballjet në 12 qarqet e vendit. Ndërkohë PS ka caktuar dhe një drejtues qarku të 13-të, Taulant Ballën për emigracionin.

Ja drejtuesit politikë për dy forcat kryesore politike:

Tirana

PS/ Erion Veliaj, Elisa Spiropali, Ogerta Manastirliu

PD/ Belind Këlliçi

Shkodra

PS/ Benet Beci

PD/ Luçiano Boçi

Kukës

PS/ Pandeli Majko

PD/ Flamur Hoxha

Dibër

PS/ Blendi Gonxhja

PD/ Xhelal Mziu

Lezhë

PS/ Ulsi Manja

PD/ Agron Gjekmarkaj           

Durrës

PS/ Emiriana Sako

PD/ Oerd Bylykbashi

Elbasan

PS/ Arbian Mazniku

PD/ Ervin Salianji

Fier

PS/ Belinda Balluku

PD/ Gazmend Bardhi

Berat

PS/ Ervin Demo

PD/ Enno Bozdo

Korçë

PS/ Niko Peleshi

PD/ Ivi Kaso

Vlorë

PS/ Blendi Çuçi

PD/ Bujar Leskaj

Gjirokastër

PS/ Mirela Kumbaro

PD/ Tritan Shehu

Ndërkohë sot theksoi se ai vetë dhe deputetë që kanë fituar më shumë se 1 mandat do të kandidojnë në lista të hapura, mësohet se kryeministri Edi Rama mes një rrethi të ngushtë bashkëpunëtorësh ka shprehur dëshirën për të kandiduar në Shkodër si deputet.

Lajmin e bën me dije gazetari i TCH, Muhamed Veliu i cili raporton se kreu i ekzekutivit ka zgjedhur Shkodrën me qëllim që të reflektojë domethënien e fortë që ka për të fitorja historike e PS në këtë qark dhe dhënia e fjalës për të transformuar kryeqendrën e veriut.

Ky është edhe një tjetër mesazh i fortë për opozitën që humbi me rreth 10 mijë vota diferencë bashkinë e Shkodrës, bastionin e saj prej 30 vitesh. Në Shkodër, Rama ka zgjedhur kryebashkiakun Benet Beci si drejtues politik. Versus.al

14 emra janë propozuar në total nga kryeministri Edi Rama për 10 vendet në kryesinë e Partisë Socialiste. Në këto propozime, 7 janë burra dhe 7 gra. Ajo çfarë bie në sy është propozimi i kreut të qeverisë për të future në kryesinë e PS ministrat e rinj Igli Hasani dhe Piro Vengu si dhe Vangjel Tavon i cili u zgjodh kryebashkiak në zgjedhjet e mbajtura në Himarë më 4 gusht.

Nga kryesia largohen disa emra si Mimi Kodheli, Blerina Gjylameti, Olta Xhaçka, Ditmir Bushati, Ilir Beqaj dhe Armando Subashi. Bie në sy largimi i Olta Xhaçkës nga kryesia e PS duke lënë të dyshohet se PS mund të votojë për ta dërguar mandatin e saj për shqyrtim në Gjykatën Kushtetuese. 

Propozimi për kryesinë e re PS:

Albana Kociu

Anila Denaj

Delina Ibrahimaj

Etilda Gjonaj

Klotilda Bushka

Klodiana Spahiu

Lindita Nikolla

Arben Pëllumbi

Erjon Braçe

Eduard Shalsi

Igli Hasani

Vangjel Tavo

Pirro Vëngu

Toni Gogu

Anëtarët e rinj të kryesisë do të zgjidhen pas votimit në Asamble ku vijon mbledhja që prej orës 11:00 kur kryeministri Edi Rama mbajti fjalën e tij. Versus.al

Gjatë fjalës së tij në asamblenë e PS-së, kryeministri Edi Rama e vuri theksin tek nevoja për ndryshimin dhe rigjenerimin e partisë duke nënkuptuar ndryshimn e figurave aktuale me figura të reja.

Ai tha se tashmë duhet që figura të reja të kenë më shumë vend në përfaqësimin e PS-së gjatë 4 viteve të ardhshme. Teksa thumboi edhe opozitën duke e cilësuar si aspak konkurruese për të fituar në zgjedhje, Rama tha se ajo çfarë e veçon PS-në është nisja e përgatitjeve për zgjedhjet e ardhshme menjëherë pas fitores.

“Ambicia për ta përmirësuar, përgatitjet nisura shumë herët për zgjedhjet me organizimin dhe ripërtëritjen e organizatat e PS, na janë kthyer në fitore edhe më domethënëse në vijim. Fitorja nuk i takon atij që vetëm e do, por atij që e do aq shumë sa është gati të bëjë gjithçka për ta marrë. Ne kemi fituar sa askush tjetër më parë dhe si asnjë parti tjetër shqiptare sepse nuk na ka mjaftuar asnjëherë PS siç është pas një fitore por jemi përpjekur të bëjmë gati PS që na duhet për fitoren e radhës. Eksperienca jonë është e madhe. Por më të madhe se eksperiencën ne kemi sot nevojën për forcën për ta ndryshuar më shumë se asnjëherë më parë skuadrën që do bëjmë gati për fitoren e mandatit të 4. Sot ka ardhur koha e natyrshme që një brez më i ri se ky që ka përfaqësuar PS e këtyre 10 viteve të ketë më shumë vend në përfaqësimin e PS së 4 viteve të ardhshme. Asnjë forcë e vjetër apo e re nuk e ka asgjëkund të krahasueshme mundësinë e vet. Me fuqinë e PS për të qenë partia më e vjetër dhe më e re e Shqipërisë pluraliste. Kush mendon ndryshe shikon një film në errësirën e kinemasë dhe mllefit politik”- tha kreu i ekzekutivit.

Kryesocialisti u shpreh se realiteti i vendit është ndryshe nga ai i 11 viteve më parë kur në pushtet ishin demokratët, duke pretenduar se kanë ndryshuar shumë gjëra.

“Por ai film mbaron sapo ndizen dritat e këtij realiteti të këtij vendi me gjithë ato sfida i cili pa PS në qeveri mund të kthehet vetëm në errësirën e filmit që shqiptarët panë deri kur ne e nxorëm Shqipërinë nga gropa e 11 viteve më parë. Ky është fakt për të gjithë ata që kanë interes për faktet. Shtetbërja nuk është lojë fjalësh, as garë se kush shan akuzon apo premton më shumë pa pasur asgjë në dorë për të kapur pushtetin, por është një e përpjetë ku ngjitet vetëm kush e ka vizonin dhe rezistencën për të mos u dorëzuar, të cilat vetëm rriten në ngjitjen drejt majës”, tha Rama. Versus.al

Partia Socialiste ka bërë publike emrat e ekipit elektoral për zgjedhjet e 2025-ës duke sjelle një risi sa i takon qarkut të Tiranës ku për të parën herë do të ketë 3 drejtues politikë, kryebashkiakun Erion Veliaj, kryeparlamentaren Elisa Spiropali dhe ministren Ogerta Manastirliu.

Ajo çfarë vihet re është lënia jashtë e Damian Gjiknurit nga lista e drejtuesve politikë, duke caktuar në vend të tij si drejtues politik të Elbasanit, Arbjan Maznikun ministrin aktual të Pushtetit vendor.

Ndërsa zv.kryeministrja Belinda Balluku është caktuar për të drejtuar fushatën elektorale në Fier, teksa vendin e saj në Dibër e zë ministri Blendi Gonxhe. Ndërsa për Diasporën drejtues politik do të jetë Taulant Balla. 

Lista e drejtuesve politik të PS në rrethe:

Tiranë- Elisa Spiropali, Erion Veliaj dhe Ogerta Manastirliu

Durrës- Emirjana Sako

Shkodër- Benet Beci

Lezhë- Ulsi Manja

Kukës- Pandeli Majko

Dibër- Blendi Gonxhe

Elbasan- Arbjan Mazniku

Fier-Belinda Balluku

Korçë-Niko Peleshi

Gjirokastër- Mirela Kumbaro

Berat- Ervin Demo

Vlorë-Bledi Çuçi.

Javën e kaluar Partia Demokratike shpalli emrat zyrtarë të ekipit elektoral për zgjedhjet e 2025-ës, ku shiheshin shumë pak ndryshime nga ato të mëparshmit. Por me zyrtarizimin e emrave të PS, tashmë për Tiranën Belind Këlliçi i PD do të duhet të përballet me 3 drejtues të PS, Spiropalin, Veliajn dhe Manastirliun.

Ndërsa në Fier, kreu i grupit parlamentar Gazment Bardhi është përballë zv.kryeministres Belinda Balluku e cila është zgjedhur nga Rama për të qenë në krye të “kryeqytetit” të bastioneve socialiste, pas suksesit të arritur nga ajo në qarkun e Dibrës.

Një tjetër përballje e fortë mes drejtuesve politikë pritet edhe në Shkodër ku përballë Luçiano Boçi të demokratëve do të jetë Benet Beci, fituesi i bashkisë së Shkodrës i cili mposhti rivalin e tij Bardh Spahinë në 2023-in me një diferencë të bindshme prej më shumë se 10 mijë votash. Versus.al

Bizneset dhe kompanitë private që nuk deklarojnë pagat reale të punonjësve, do të trajtohej njëjtë si ata të cilët vjedhin energjinë elektrike nëpërmjet lidhjeve të paligjshme.

Kreu i PS, Edi Rama tha se ka në plan rritjen e pensioneve për të moshuarit por theksoi se një gjë e tillë nuk bëhet e mundur pa patur një rënie të theksuar të informalitetit të pagave.

“Në javën e dytë të muajit të ardhshëm do të ndajmë një plan që kemi për pensionistët të cilin e kemi punuar prej muajsh. Do të synojë pikërisht përfshirjen e pensionistëve enë ndarjen e të ardhurave të rritjes ekonomike, për të shkuar përtej nivelit të bonusit të fundvitet dhe indeksimit, mund ët them troç, rritja e të ardhurave nga shteti për pensionistët në vitet në vijim nuk mund të jetë domethënëse nëse nuk i japim të gjithë bashkë si shtet, qeveri dhe shoqëri si sipërmarrje një goditje domethënëse fenomenit të fshehjes së pagave që për pasojë godasin të ardhurat për sigurimet shoqërore dhe vjedhin çka u takon pensionistëve. E thënë me fjalë të tjera, do bëjmë me kuotat e sigurimeve atë që bëmë me faturat e energjisë. Ata që s’u paguajnë sigurimet sipas pagës do i trajtojmë si hajdutët e energjisë elektrike", tha Rama.

Sa i takon bizneseve, Rama tha se nëse duan të mos kenë rritje të tatimit mbi fitimin, atëherë duhet që të deklarojnë pagat reale të punonjësve, sepse sipas tij, në këtë mënyrë pensionistëve po u hiqej rritja e pensionit.

“Biznesi i madh duhet ta ketë të qartë se nëse nuk do rritje të tatimit mbi fitimit, duhet të paguajë çdo qindarkë që u takon pensionistëve. Vetë pensionistët duhet ta dinë dhe do ta shohin se nga njëra anë lufta frontale kundër informalitetit të pagave për punonjësit e privatit do jetë e gjithëanshme dhe nga ana tjetër do fillojmë ta rrisim bonusin për ta që në këtë fundvit. Shqipëria 2030 do mishërojë gjithë progresin e 4 mandateve të PS jo vetëm duke u bërë gati për anëtarësimin në BE, por edhe në të ardhurat e ekonomisë familjare të shqiptarëve që jetojnë me punë”- deklaroi kryeministri. Versus.al

Kryeministri Edi Rama gjatë fjalës së tij në mbledhjen e Asamblesë së PS-së bëri një “parashikim” mbi zgjedhjet parlamentare të 2025-ës, duke u shprehur se besonte që PD do të merrte edhe më pak mandate sesa në vitin 1997.

Duke përmendur edhe patronazhistët, Rama tha se një informacion të tillë e merrte nga struktura e ngritur për matjen e opinionit të qytetarëve në çdo muaj.

“E vetmja gjë që është më keq sot sesa 11 vite më parë është PD-ja. Mbajeni mend këtë fjalë, unë nuk shoh filxhan dhe as nuk parashikoj të ardhmen por dimë të lexojmë mendjen e popullit, jo vetëm se kemi patronazhistët por sepse kemi një strukturë shkencore të kolauduar që bën anketimet e përmuajshme të opinioneve të njerëzve. Në zgjedhjet e ardhshme, PD-ja zor se do marrë më shumë mandate se në vitin 1997, mbajeni shënim.

Atëherë e tërë Shqipëria ishte në humnerën ku ra ajo parti ndërsa këtë herë humnera është destinacion ekskluziv i vetëm asaj partie, e zgjedhur prej udhëheqësve udhëprerës të saj. Disa thonë se sot Shqipëria është vend pa të rinj, pa të ardhme dhe me borxhe”- tha Rama.

Më tej kryesocialisti tha se gjatë qeverisjes së PS, Prodhimi i Brendshëm Bruto u dyfishua nga ai çfarë ishte gjatë qeverisjes së demokratëve.

“Shqipëria ishte ashtu kur populli i largoi ata që i thonë këto me të madhe. Sot përditë Shqipëria ecën duke arritur rezultate më të dukshme në çdo drejtim. Një shifër, nuk e kam nxjerrë nga sirtari i PS por nga google. Kur ne morëm detyrën PBB ishte 12.7 miliardë dollarë, brenda 1 dekade ne e kemi dyfishuar atë në rreth 25 miliardë dollarë”- shtoi kryeministri.

Kujtojmë se në vitin 1997, Partia Demokratike arriti të merrte vetëm 25 deputetë në zgjedhjet e përgjithshme parlamentare të mbajtura në dy raunde si pasojë e situatës së luftës civile ku ndodhej vendi. Versus.al

“Njëri më i rraskapitur se tjetri”, kështu e cilësoi kryesocialisti Edi Rama ekipin e drejtuesve politikë të PD-së në rrethe për zgjedhjet parlamentare të 2025-ës.

Kreu i qeverisë ironizoi PD-në duke thënë se pasi kishte parë ekipin, i kishte ikur dëshira për betejë.

“Prandaj është për të qeshur se nuk qajmë dot kur të nxjerrin përballë një ekip si ai që doli para pak ditësh. Besoj e patë dhe ma ha mendja se njësoj si mua edhe juve iu iku gjysma e dëshirës për betejë, fund e krye humbësa kronikë, njëri më i rraskapitur se tjetri. Të njëjtët që e nxorrën sa e sa herë fitimtarë lulin e shkretë dhe më pas do e vulosin fitoren në dritaren e penxheres së katit të tetë. Pastaj thonë se nuk fitohet kundër diktaturës së PS”- u shpreh Rama.

Sipas tij, shkak për humbjen e PD-së nuk janë pretendimet e tyre se PS është diktaturë. Versus.al

Kreu i qeverisë Edi Rama hapi mbledhjen e Asamblesë së PS-së që mbahet sot në Durrës duke bërë me dije një lajm tepër të rëndësishëm sa i takon listave për deputetë.

Ai tha se nga 187 kandidatë në listat për deputetë të PS, 47 prej tyre do të jenë të rinj që do të garojnë në lista të mbyllura, ndërsa tha se ai vetë dhe deputetë të cilët kanë më shumë se një mandat të fituar, do të garojnë me lista të hapura për t’u lënë mundësi qytetarëve të votojnë sipas preferencës së tyre. Në këtë mënyrë, Rama sfidon deputetët e vjetër mbi pëlqyeshmërinë e tyre në popull. 

"Këtë herë në bazë të ligjit të ri zgjedhor pjesëtarët e përfaqësueses sonë do të jenë 187.  140 në listën e votimit për garën e hapur  në popull dhe 47 në listën e mbyllur të partisë. Ajo që sot dua të ndaj me ju është se më e mira është që deputetët me më shumë se një mandat pa përjashtuar edhe drejtuesit e qarqeve të jenë në garë të hapur. Në listën e mbyllur do jenë pak prej tyre që do kenë detyra koordinuese si psh sekretari i përgjithshëm. Kjo do të thotë se pjesa kryesore e listës së mbyllur do jenë deputetë me vetëm një mandat dhe të rinj e të reja që do fitojnë vendin në atë listë duke spikatur prej sot e deri në shkurt në garën individuale nga brenda partisë. Si gjithnjë kur flas për të rinj nuk kam parasysh vetëm moshën por forcat e reja për ndryshim"- deklaroi kryeministri. 

Më tej ai u ndal tek akuzat që opozita i bën vazhdimisht qeverisë për përdorimin e pushtetit dhe blerjen e votave për të fituar zgjedhjet, duke u shprehur se demokratët nuk kanë mbjellë besim tek populli që t'i votojë. 

"Disa thonë se ne fitojmë se përdorim pushtetin për të marrë votat madje thonë se ne i blejmë votat. Disa thonë se ne kemi fituar deri tani se nuk kanë pasur alternativë njerëzit. Të tjerë shkojnë më tutje duke thënë se ne fitojmë se sipas tyre Shqipëria është diktaturë dhe se ndërkombëtarët mbyllin gojën se duan vetëm stabilitet në vend dhe të tjera budallëqe të guximshme si këto. Vërejeni me vëmendje, të gjithë këta bashkohen në pikën se në Shqipëri nuk ka zgjedhje përderisa i fitojmë vetëm ne. Por të gjithë bashkë janë njësoj sepse i përkasin të njëjtës rrugë të vjetër otomane dhe janë aq njësoj në disa gjëra. Saqë çdo njeri i arsyeshëm që sheh me sytë e vetë, e kupton përse ne fitojmë dhe do fitojmë përsëri. Ndërsa kundërshtarët tanë vetëm humbin dhe do të humbin përsëri. Fjala vjen, ata zgjohen më vonë sesa ne dhe flenë më herët sesa ne. Ata flasin më shumë sesa ne dhe për çdo gjë që flasin nuk dinë më shumë sesa ne. Merren vetëm me fjalë për të helmuar poplin kundër nesh. Nuk bëjnë punë që të mbjellin besim në popull"- theksoi Rama në nisje të fjalës së tij në mbledhjen e Asamblesë së PS. Versus.al

Momenti kur Rama hyn në sallën ku mblidhet Asambleja e PS

Kryesocialisti, Edi Rama ka mbërritur në vendin ku do të mbahet mbledhja e Asamblesë së PS-së në Durrës që nis në orën 11:00.

Siç shihet edhe nga pamjet, kreu i qeverisë, i veshur sportiv me një dosje në dorë, del nga automjeti që e shoqëronte dhe bëhet gati për të nisur mbledhjen e Asamblesë në të cilën pritet të njoftojë ndryshime të shumta në përbërjen e ekipit drejtues për fushatën zgjedhore në 12 qarqet e vendit tashmë që pak muaj na ndajnë nga zgjedhjet parlamentare 2025.

Më herët, në sallën ku do mbahet mbledhja ka mbërritur kryeparlamentarja, Elisa Spiropali. Versus.al

Foto ku do të zhvillohet mbledhja e Asamblesë së PS

Kryeministri Edi Rama ka ndarë një foto në rrjetet sociale nga salla ku në orën 11:00 nis mbledhjen Asambleja e PS-së. Krahas fotos së publikuar, kryesocialisti tha se në punimet e sotme të Asamblesë do të zgjidhet ekipi drejtues i PS dhe nis puna për skuadrën e re që do përfaqësojë partinë për vizionin “Shqipëria 2030”.

“Mirëmëngjesi dhe me këtë pamje nga salla ku sot në Durrës do të zgjedhim ekipin drejtues të partisë socialiste, e do të nisim punën për të ndërtuar skuadrën tonë të re përfaqësuese PS 2030 për Shqipërinë 2030, ju uroj të diel të bukur”, shkruan kreu i PS.

Mbledhja e sotme e Asamblesë pritet të ketë një rëndësi kyçe në përzgjedhjen e ekipit të 12 drejtuesve politikë të qarqeve të cilët do të drejtojnë fushatën elektorale për zgjedhjet parlamentare 2025. Versus.al

Sot Partia Socialiste ‘ndez motorët’ zyrtarisht për fushatën elektorale të zgjedhjeve parlamentare 2025.

Asambleja e socialistëve mblidhet sot në Durrës në orën 11:00 dhe do të hapet me fjalën e kryeministrit Edi Rama. Pritet që të mbledhja e sotme të shërbejë për të caktuar drejtuesit politikë të qarqeve në prag të zgjedhjeve parlamentare si dhe do të votohet për organet e reja drejtuese, sekretariatin dhe këshillin e PS.

Një javë më parë Rama mblidhi kabinetin e ministrave në rezidencën qeveritare në Dajt, mbledhja nga e cila nuk u bënë publike shumë detaje. Por pritet që mbledhja e sotme e Asamblesë të ketë një rol vendimtar në përzgjedhjen e listës së kandidatëve të PS për deputetë në zgjedhjet e ardhshme.

Vetë Rama ka deklaruar më herët se do të ketë ndryshime të mëdha sa i takon përbërjes së grupit parlamentar të PS duke kritikuar shumë prej deputetëve të cilët nuk i kishin përmbushur pritshmëritë, sipas tij. Kryeministri do të hapë sot mbledhjen e Asamblesë me fjalën e tij para të pranishmëve. Përflitet se mund të prezantojë një platformë të re të tij, pjesë e së cilës do të jenë më së shumti figura të reja. 

Kujtojmë se Asambleja e PS u zgjodh nga votat e delegatëve të Kongresit të PS të mbajtur më 28 korrik të këtij viti. Asambleja ka rreth 350 anëtarë, prej të cilëve Kongresi zgjodhi vetëm 156 prej tyre pas të tjerët janë pjesë automatikisht për shkak të funksioneve drejtuese që kanë.

AXHENDA

1. Hapja e mbledhjes dhe miratimi i Rendit të ditës.

2. Fjala e Kryetarit të Partisë Socialiste, Edi Rama.

3. Zgjedhja e organeve drejtuese të PS.

4. Të ndryshme. Versus.al