Korçë- Një 41 vjeçar i identifikuar si Ilia Cani është arrestuar nga policia pasi ka plagosur me thikë ish-të dashurën e tij.
Mësohet se ngjarja ka ndodhur rreth orës 10:00 në lagjen nr.4 ku 41 vjeçari i arrestuar më parë për përndjekje ndaj ish-të dashurës M.Ç e ka goditur këtë të fundit me thikë.
Për pasojë e plagosura u transportua në spital jashtë rrezikut për jetën ku po merr ndihmën e nevojshme mjekësore për një plagë në mjekër. Fatmirësisht gjendja e saj shëndetësore është jashtë rrezikut për jetën.
Sipas informacioneve, shkak për konfliktin ka qenë ndarja mes tyre. Autori nuk e pranonte një gjë të tillë dhe ishte dënuar më parë për përndjekje ndaj të plagosurës. Materialet i kaluan prokurorisë së Korçës për veprime të mëtejshme. Versus.al
