Tiranë- Janë identifikuar 6 personat e përfshirë në rrahjen e 48 vjeçarit Adriatik Roshi brenda një berberhaneje dy ditë më parë. Në videon e publikuar shihet momenti kur persona me maska në fytyrë hyjnë brenda berberhanes, ndërsa kanë goditur me sende të forta Roshin.
Mësohet se në pranga kanë rënë Gani Koçeku e Ledio Tusha. Ndërsa organizatori i kësaj rrahje biznesmeni Tur Koçeku është shpallur në kërkim së bashku me Gëzim, Roland dhe Abedin Koçekun të cilët po ashtu kanë marrë pjesë në këtë ngjarje.
Në cilësinë e provës materiale janë sekuestruar:
1 armë zjarri pistoletë, me leje, që u gjet në banesën e Ledio Tushës, nipit të Tur Koçekut
1 armë gjahu, që u gjet në banesën e shtetasit Abedin Koçekut
2 automjete që dyshohet se janë përdorur në këtë ngjarje.
Luçiano Koçeku (Tur Koçeku) u përfshi në një sherr masiv fizik të ndodhur në Palasë mbrëmjen e 24 gushtit. Versus.al
