Mbetje njerëzore që besohet se i përkasin një burri të kërkuar për vrasjen e tre vajzave të tij janë gjetur në shtetin e Uashingtonit.
Policia amerikane ka qenë në kërkim të Travis Decker që kur oficerët gjetën telefonin e tij dhe trupat e vajzave të tij, Paitin, Evelyn dhe Olivia (9, 8 dhe 5 vjeç) në një kamping më 2 qershor. Kamioni i tij u gjet gjithashtu pak më larg, raporton BBC.
Mbetjet mortore të Decker u zbuluan në një zonë të largët pyjore në jug të Leavenworth, Washington. Vendndodhja është disa milje larg vendit ku u gjetën vajzat.
Policia thotë se identifikimi nuk është përfunduar, por gjetjet paraprake sugjerojnë se mbetjet mortore janë të Decker , tha zyra e sherifit të qarkut.
Burri 32-vjeçar kërkohej për rrëmbim dhe vrasje. Autoritetet besonin se Decker, një ushtar që kishte përfunduar shkollën e mbijetesës në mal , ishte fshehur diku në pyjet e shtetit.
Nëna e vajzave i raportoi ato të zhdukura më 30 maj, kur Decker nuk i ktheu vajzat në shtëpi pas një vizite dhe nuk iu përgjigj telefonatave të saj.
Një mjeko-ligjor më vonë përcaktoi se shkaku i vdekjes së fëmijëve ishte mbytja me qese mbi kokë.
