Një foshnjë vajzë 20-ditëshe e gjetur e varrosur e gjallë në shtetin indian të Uttar Pradesh është gjetur e me shenja jete dhe tani është në një gjendje shumë të rëndë në spital.
Foshnja u gjet rastësisht nga një bari që i kishte nxjerrë dhitë e tij për të kullotur. Ai tha se dëgjoi britma të dobëta nën një grumbull dheu dhe, kur u afrua, pa një dorë të vogël që dilte nga balta.
Pasi njoftuan fshatarët, u thirr policia, e cila nxitoi në vendngjarje dhe e nxori foshnjën nga dheu.
Foshnja po trajtohet në njësinë e kujdesit intensiv neonatal. Ajo ka vështirësi në frymëmarrje sepse balta i kishte hyrë në vrimat e hundës. Mjekët thanë gjithashtu se e kishin pickuar insekte ose kafshë.
Edhe pse fillimisht tregoi njëfarë përmirësimi, gjendja e tij u përkeqësua pasi zhvilloi një infeksion.
"Po bëjmë gjithçka që mundemi për ta shpëtuar atë", thonë mjekët. Policia nuk e ka identifikuar ende persona të dyshuar për këtë krim makabër.
BBC raporton se ka raste të ngjashme të braktisjes dhe tentativës së vrasjes së vajzave.
Incidenti nuk është i pari në Indi ku një foshnjë vajzë lihet të vdesë. Në vitin 2019, një e porsalindur e parakohshme u gjet e varrosur e gjallë në një enë balte. Ajo qëndroi në spital për javë të tëra dhe përfundimisht u ja doli të mbijetonte.
