Shqipëria arriti objektivin minimal në kualifikueset e Kupës së Botës 2026, duke e mbyllur Grupin K në vendin e dytë me 14 pikë dhe duke siguruar për herë të parë pjesëmarrjen në fazën “Play-Off”.
Përveç rezultateve, kuqezinjtë u dalluan edhe me paraqitje individuale mbresëlënëse, si në gola e asistime, ashtu edhe në intensitetin fizik.
Federata Shqiptare e Futbollit publikoi në rrjetet sociale listën e pesë futbollistëve më të shpejtë të kombëtares gjatë ndeshjeve të kualifikueseve.
Në krye qëndron Nedim Bajrami, i cili regjistroi shpejtësinë më të lartë maksimale: 34.18 km/h.
Pas tij renditet Arbër Hoxha me 32.98 km/h, ndërsa Armando Broja dhe Myrto Uzuni kanë arritur të njëjtin rekord shpejtësie prej 32.23 km/h.
I pesti në listë është Mario Mitaj, me një shpejtësi maksimale prej 31.47 km/h.
Ky klasifikim tregon jo vetëm dinamizmin e skuadrës, por edhe angazhimin fizik të lojtarëve që kanë qenë motorri i paraqitjes së kombëtares në këtë fushatë.
View this post on Instagram
