Kur edhe pak orë na ndajnë nga finalja e madhe e kompeticionit “Euro 2024”, një tifoz anglez është aq i bindur në ekipin e trajnerit Gareth Southage saqë ka bërë një tatuazh me trofeun dhe fjalët ‘Fituesit e Euro 2024 Anglia’ në këmbën e tij.
Dan Thomas, 29 vjeç, nga Sëindon, Wiltshire, beson se Tre Luanët do të fitojnë titullin e shumëdëshiruar të kampionëve të Evropës dhe do të mposhtin Spanjën në Berlin këtë mbrëmje, duke e përjetësuar këtë me një mesazh të përhershëm.
Konsulenti i të dhënave kaloi dy orë e gjysmë duke bërë tatuazhin e trofeut të Kampionatit Evropian të UEFA-s në këmbën e tij. Ai është aq i sigurt në fitoren e Tre Luanëve, saqë thotë se nuk pendohet për tatuazhin e madh që mbulon një pjesë të madhe të kofshës së tij të majtë dhe parashikon që Anglia do të mposhtë Spanjën me rezultat 2-1.
“Unë mendova se (Anglia) do të arrinte larg, kështu që nuk është një surprizë,” tha ai.
“Jam shumë i sigurt. Mendoj se do të ndodhë. Nuk do ta kisha bërë nëse nuk do të mendoja se do të ndodhte.
Ai shtoi: “Mendoj se do të jetë një ndeshje e ngushtë dhe mendoj se do të përfundojë 1-1, por do të shkojë në kohë shtesë. Mendoj se do të fitojmë 2-1 në kohë shtesë.”
Thomas e kishte menduar të bënte një tatuazh të ngjashëm në vitin 2021 kur Anglia përballej me Italinë në finalen e Euro 2020, por shpreson që tatuazhi i këtij viti do t’i sigurojë ekipit të Gareth Southgate fitoren. Versus.al
