Një aksident i rëndë rrugor ka ndodhur mesditen e sotme në zonën e Bathores.
Automjeti i drejtuar nga shtetasi E. B. (rreth 40 vjeç) ka përplasur këmbësoren Sh. Sh., e cila transportuar urgjentisht në spital, fatkeqësisht ka ndërruar jetë si pasojë e lëndimeve të rënda.
Drejtuesi i mjetit është shoqëruar menjëherë në Komisariat për veprime të mëtejshme procedurale.
Grupi hetimor i Policisë po punon intensivisht për të sqaruar plotësisht rrethanat e aksidentit, duke përfshirë shpejtësinë, sinjalistikën dhe faktorë të tjerë kontribues.
Njoftimi i policisë:
Më datë 05.02.2026, rreth orës 16:30, në Bathore, automjeti me drejtues shtetasin E. B., rreth 40 vjeç, ka përplasur këmbësoren shtetasen Sh. Sh., rreth 65 vjeçe, e cila për pasojë ka humbur jetën në spital.
Drejtuesi i automjetit u shoqërua në Komisariat për veprime të metejshme procedurale.
Grupi hetimor vijon punën për sqarimin e rrethanave të aksidentit./Versus.al
