Agjentët e BKH-së (Byroja Kombëtare e Hetimit) prej mëngjesit të sotëm janë duke ushtruar kontrolle në zyrat e një biznesi të madh në Elbasan në fushën e ndërtimit.
Agjentët kanë sekuestruar fillimisht sapo zyrat janë hapur celularët e punonjësve.
Më pas me urdhër të prokurorit, agjentët kanë mbajtur procesverbale dhe kanë sekuestruar dosje, kompjutera dhe aparate celularë të biznesit i cili dyshohet se kanë lidhje me hetimin dhe kontrollet që janë zhvilluar kohët e fundit për korrupsion kryesisht në disa bashki të Qarkut të Elbasanit
Dyshohet se kompania e kontrolluar ka përfituar tendera të shumtë, në mënyrë të paligjshme nga bashkia e qarkut të Elbasanit.
Prokuroria e Posaçme po heton disa kompani të fuqishme ndërtimi me aktivitet jo vetëm në Elbasan por edhe në dy qarqet më të mëdha në vend, Tiranë e Durrës. Priten detaje të mëtejshme në vijim./Versus.al
