SPAK ka kryer kontrolle në shtëpinë e Ilir Beqaj në Vlorë, ndërkohë që ish-ministri ndodhet në qeli.
Mësohet se dera e apartamentit është hapur me forcë nga forcat zjarrfikëse. Bëhet fjalë për një apartament në katin e 7 të një pallati pranë Lungomares në Vlorë.
Ilir Beqaj u arrestua për korrupsion, mashtrim dhe fshehje të pasurisë. Ai akuzohet nga Prokuroria e Posaçme se ka përfituar miliona lekë me tendera të paracaktuar dhe me fatura fiktive, gjatë kohës që ishte në krye të Agjencisë Shtetërore e programimit strategjik dhe koordinimit te ndihmës.
Veç Beqajt, në pranga ranë edhe Ermal Kurtulaj, krahu i tij i djathtë dhe Alfred Nikolla. Ermal Kurtulaj ishte emëruar nga Beqaj si koordinatori i një projekti të financuar me fondet e Bashkimit Europian.
Ilir Beqaj po hetohet ndërkohë edhe për koncesionin e sterilizimit të pajisjeve mjekësore.
