Policia e Tiranës ka nisur procedimin penal ndaj kreut të Lëvizjes “Shqipëria Bëhet”, Adriatik Lapaj, dhe dy anëtarëve të tjerë, për veprat penale “Pushtimi i tokës”, “Organizimi dhe pjesëmarrja në grumbullime dhe manifestime të paligjshme” dhe “Prishja e qetësisë publike”.
Ngjarja ndodhi mbrëmjen e djeshme, kur aktivistët e Lapajt vendosën karrige dhe kartonë poshtë zyrës së Kryeministrisë për të mbrojtur veten nga i ftohti.
Pasi disa efektivë policie prishën “rrethimin”, tensioni u rrit dhe disa persona nisën brohoritjet ndaj Kryeministrit Edi Rama.
Njëri prej aktivistëve u shoqërua në Komisariatin nr.1, ndërsa të tjerët vijuan protestën jashtë ambienteve të zyrës.
Lapaj dhe mbështetësit e tij kishin qëndruar prej datës 8 dhjetor poshtë Kryeministrisë, duke shprehur pakënaqësi dhe duke tërhequr vëmendjen përmes protestave të vazhdueshme.
Procedimi i nisur nga policia pritet të vazhdojë për hetime të mëtejshme nga Prokuroria./Versus.al
Pamje nga tensionet para kryeministrisë ditën e djeshme:
View this post on Instagram
