Bashkia e Vlorës ka dalë me një njoftim zyrtar ku u kërkon qytetarëve që të kenë kujdes për zonat ku parkojnë makinat për shkak të reshjeve të shiut që pritet të përfshijnë qytetin në orët vijuese.
“Në orët në vijim, qyteti i Vlorës pritet të përfshihet nga reshje shiu me intensitet të lartë. Bëni kujdes, mos parkoni automjetet në zonat me risk të lartë si:
"Albano&Romina"
Biblioteka Publike
Pranë Kishës Orthodhokse
Në "Skelë" te dykalimshi
Grupet tona të Ujësjellës Kanalizime dhe Bashkisë së Vlorës, do të jenë në terren në monitorimin e situatës dhe në ndërhyrje sipas rastit nëse do të jetë e nevojshme. Nëse hasni problematika nga reshjet e shiut ????️ me prezencë të ujit, na kontaktoni:
EMERGJENCAT: 127,128,129
FACEBOOK: Ujësjellës Kanalizime Vlore
INSTAGRAM: uk_rajoni_vlore
FACEBOOK: Bashkia Vlorë”- thuhet në njoftimin e bashkisë.
Kujtojmë se në fillim të tetorit, Vlora u përmbyt në disa zona të ndryshme duke bërë që uji të vërshonte nëpër rrugë për shkak të mos pastrimit të kanalizimeve. Pëmbytjet shkaktuan dëme të konsiderueshme materiale për banorët, ndërsa shumë prej tyre i kaluan netët në qiell të hapur. Versus.al
