Etleva Ruçi, një nënë dhe mësuese e përkushtuar prej vitesh në Gjimnazin “Petro Nini Luarasi” në Tiranë, sot nuk është më vetëm mësuese. Ajo është një nënë që i lutet shqiptarëve, me shpresën e vetme për të shpëtuar jetën e djemve të saj.
Pas humbjes së bashkëshortit, një oficer policie që ra në krye të detyrës, Etleva mbeti e vetme për të rritur dy djemtë e saj, me mundim, përkushtim dhe dinjitet. Por tani, ajo po përballet me një nga sprovat më të rënda që jeta mund t’i vendosë një prindi përpara.
Djali i madh, Tedi, 27 vjeç, është diagnostikuar me një sëmundje të rrallë dhe të rëndë: Adreno-Leuko Distrofi — një sëmundje gjenetike progresive, që prek sistemin nervor dhe paralizon muskujt, duke çuar drejt një fundi të dhimbshëm e të pashpresë nëse nuk trajtohet. Dhe si të mos mjaftonte kjo tragjedi, Etleva mori një tjetër goditje: djali i vogël, Noel, 24 vjeç, është gjithashtu bartës i këtij gjeni vdekjeprurës.
Në Shqipëri, për këtë sëmundje nuk ka as trajtim, as mundësi mjekimi. E vetmja shpresë ndodhet jashtë vendit, në duart e mjekëve gjenetikë dhe terapive moderne që kushtojnë shifra të paarritshme për një familje të zakonshme shqiptare.
Noeli, djali i vogël, sapo ka përfunduar universitetin me një mesatare 9.8. Ai punon për të ndihmuar nënën dhe për të mbajtur shtëpinë gjallë. Ndërsa Tedi është i pamundur, i ngujuar në trupin që dita-ditës i humbet fuqinë.
Etleva, një grua që ka dhënë dije dhe vlera, që kurrë s’ka kërkuar ndihmë, sot është në gjunjë para nesh. Ajo nuk po kërkon lëmoshë. Ajo po kërkon jetë për bijtë e saj. Po kërkon shpresë në një det pasigurie, dhe kjo shpresë mund të vijë vetëm prej nesh, shqiptarëve që i kemi treguar botës se zemra jonë rreh fort kur njëri prej nesh ka nevojë.
Të dhënat për ndihmë: IBAN: AL64202111230000002800837768. Linku për të dhuruar në GoFoundMe (KLIKO KËTU).
MESAZHI I NËNËS PËR TË NDIHMUAR DJEMTË E SAJ:
I nderuar staf i redaksise! Ju shkruaj me shpirtin e renduar dhe zemren e plagosur. Jam Etleva Ruci, nene e dy djemve dhe mesuese ne Gjimnazin Petro Nini. Bashkeshorti (oficer policie) eshte ndare nga jeta dhe me eshte dashur te rrit e vetme djemte. Perpara nje viti djali i madh 27 vjec u semur. Pas nje kalvari te gjate dyerve te spitaleve,vetem perpara dy muajsh ju vu diagnoza e nje semundje shume te rralle gjenetike. Kjo semundje demton nervat, muskujt paralizohen dhe ka nje fund tragjik. Fatkeqesia per mua nuk mbaron ketu, sepse disa dite me pare mesova qe dhe djali tjeter 24 vjec eshte bartes i po ketij gjeni.
Djali sapo ka mbaruar Universitetin me mesatare 9.8 dhe punon per te me ndihmuar ne perballimin e kesaj situate
Kjo semundje qe kane djemte e mi Noel dhe Tedi nuk kurohet ne Shqiperi dhe kostot per mjekimin e saj jane shume te larta per mundesite tona. Me dhimbje dhe shpese ju drejtohem JU si ndihma e fundit. Kam Nuk kam kerkuar kurre me pare ndihme publike, kam punuar gjithe jeten me ndershmeri e dinjitet. Sot jam ne gjunje perpara jush, si nje nene qe po sheh gjithe jeten e saj te shuhet perpara syve
Kam hapur nje Go Fund Me. Dhe mbase ndonje mjek shqiptar qe punon ne bote si mjek gjenetist. Eshte semundje shume e rralle mjekohet me inxhinjeri gjenetike. Njeri djale eshte shume i semure por mos i iki dhe tjetri. Semundja quhet Adreno-Leuko Distrofi. Ju lutem me ndihmoni ta bej publik kete rast. Me shume besim e mirenjohje Etleva Ruci. /Versus.al/
