Një përleshje e ashpër me thikë ka ndodhur në burgun e Korydallos në Greqi,mesditën e sotme.
Sipas media greke Prothema,gr deri është njoftuar për një të vdekur dhe një të plagosur.
I burgosuri viktimë raportohet se ka qenë i akuzuar për dy vrasje, ndërsa i plagosuri nuk rezulton të jetë në rrezik për jetën.
Po sipas kësaj medie përleshja ka ndodhur në katin e 4-të të burgut mes të burgosurve shqiptarë, sipas informacioneve të deritanishme.
Njëkohësisht pritet një operacion i forcave speciale të policisë së bashku me një grup oficerësh korrektues për të qetësuar tensionin në repartin ku mbahen kriminelët që kanë kryer krime të rënda dhe për të larguar trupin e burgosurit të vrarë dhe gjithashtu për të përcaktuar nëse ka të lënduar të tjerë.
Njëkohësisht do të hetohet edhe për mënyrën sesi u gjet thika e përdorur në përleshjen e përgjakshme, por edhe për shkaqet që e çuan në këtë përleshje.
