Policia e Tiranës ka dhënë informacion lidhur me një sherr të raportuar mes disa personave në Lundër.
Sipas policisë, përplasja ka ndodhur mes disa personave në afërsi të një kompleksi në Farkë. Për pasojë ka mbetur i plagosur një 19-vjeçar i identifikuar si Kristi Fufi, djali i ish-deputetit të PD, Mhill Fufi, i cili ndodhet në spital nën kujdesin e mjekëve.
Njoftimi i Policisë:
Rreth orës 19:15, në Farkë, në afërsi të një kompleksi, persona ende të paidentifikuar janë përfshirë në një konflikt dyshohet me sende të forta.
Si pasojë është dëmtuar shtetasi K. F., rreth 19 vjeç, i cili ndodhet në spital, nën kujdesin e mjekëve.
Grupi hetimor ndodhet në vendngjarje dhe po punon për sqarimin e rrethanave të rastit si dhe identifikimin e personave të përfshirë në konflikt.
