Itali- Detaje të reja janë mësuar nga ngjarja e rëndë e ndodhur disa ditë më parë në Perugia ku 23 vjeçari shqiptar u vra me thikë duke u goditur disa herë gjatë një sherri banal në parkingun e universitetit.
Sipas dëshmive të të pranishmëve në përleshje, Hekuran Cumani u përoq të mbronte vëllain e tij më të vogël gjatë momentit që po ndodhte përplasja me grupin tjetër të të rinjve me origjinë nga Afrika e Veriut.
Vëllai i Hekuranit i cili gjithashtu mbeti i plagosur, ka deklaruar në polici se nuk e kishte parë se kush e kishte goditur vëllain e tij dhe të njëjtën gjë kanë deklaruar edhe të rinjtë e tjerë të pranishëm.
Hetuesit dyshojnë për një heshtje të qëllimshme nga dëshmitarët, pasi versionet e ngjarjes janë të paqarta dhe shpesh kontradiktore.
Nën hetim janë vënë disa persona përfshirë një 18 vjeçar me origjinë nga Maroku që jeton në Ponte San Giovanni i cili akuzohet për kërcënime të rënda dhe mbajtje të thikës e mjeteve prerëse të ftohta. Një tjetër i ri me origjinë tuniziane po përballet gjithashtu me të njëjtat akuza. Versus.al
