BILD- Një i vdekur, katër të plagosur rëndë: ky është rezultati i përgjakshëm i një lufte brenda familjeve në Bielefeld që duket që nuk do të përfundojë kurrë.
Ajo që filloi në qendër të qytet Bielefeld në mars 2024 me vrasjen e ish-boksierit shqiptar Besar Niamni vazhdoi pasditen e së mërkurës, 26 shkurt, me një shkëmbim zjarri para gjykatës rajonale.
Është një spirale dhune e nxitur nga hakmarrja, frika dhe një e kaluar që refuzon të pushojë.
Ishte data 9 mars 2024 kur Besar Nimani parkon makinën në zonën e këmbësorëve dhe teksa del për të shkuar tek berberi, 16 të shtëna kumbojnë në qendër të qytetit.
Gjashtë plumba e goditën boksierin në shpatull, ijë, kofshë, gjoks dhe mushkëri. Një ekzekutim i frikshëm: babai i tre fëmijëve vritet në rrugë. Autorët që i kishin zënë pritë u larguan.
Historia kriminale e boksierit
Dhuna ka luajtur gjithmonë një rol në jetën e Nimanit: në vitin 2012, boksieri u dënua me 1350 euro gjobë për lëndim trupor, sepse goditi një burrë me grusht në kokë.
2013: Boksieri qëllohet para një restoranti në qendër të qytetit Bielefeld por u mbijetoi plagëve të marra! Hetuesit thanë më vonë se ishte një rast i mundshëm i zhvatjes së parave.
Në vitin 2016, policia arrestoi Nimanin për rrahjen e gruas së tij. Më pas në garazhin e tij gjendet një kilogram kanabis. Por boksieri mohoi gjithçka.
Në vitet në vijim, Nimani ndërtoi një jetë të re për veten e tij dhe hapi një kioskë - me vëllain e vrasësit të tij të dyshuar, Hüseyin Akkurt.
Por një debat përshkallëzohet në kioskë: Hüseyin dhe kurdi Ayman Krit, i cili kërkohet nga policia për vrasjen e Nimanit, kërkojnë të përdorin kioskën për të shitur drogë. Por boksieri refuzoi dhe më pas mosmarrëveshjet kthehen në përleshje.
Që nga ajo ditë boksieri shqiptar kërcënohet me jetë i cili nga familja e tij cilësohet si një familjar i dashur dhe i kujdesshëm. Ai përpiqet të armatoset - më vonë kapet nga policia federale në kufirin me Austrinë me pesë armë zjarri dhe 56 fishekë. Vëllai i tij më vonë i tha BILD: "Ai thjesht donte të mbronte veten dhe familjen e tij."
Mosmarrëveshja përfundoi në fatalitet për boksierin në Obernstrasse të Bielefeld dhe që atëherë ka pasur luftë midis dy familjeve.
Dita e gjyqit përfundon me të shtëna
Prej datës 31 janar, në Seksionin e Parë Penal të Gjykatës së Qarkut ka nisur seanca për vrasjen e ish-boksierit profesionist. Në gjykatë janë forcuar masat e sigurisë – policë të armatosur rëndë ruajnë sallën e gjyqit dhe ndërtesën gjatë gjykimit. Rreziku i sulmeve midis pjesëmarrësve në proces është i lartë.
Pas ditës së pestë të gjykimit, situata që efektivët u përpoqën të shmangnin përshkallëzohet. Dëshmitarët dëgjojnë një roje sigurie që bërtet: “Të shtëna! Jashtë ka të shtëna.” Vëllai i të pandehurit (25 vjeç) dhe babai (63 vjeç) si dhe dy persona të tjerë (25, 23) shtrihen të plagosur rëndë në tokë.
Vëllai i boksierit donte hakmarrje?
Policia tashmë ka shpallur në kërkim vëllain e boksierit të vrarë Berat Nimani. Policia është vënë në kërkim të tij me urdhër arresti për katër akuza për vrasje të mbetur në tentativë. Forcat speciale kanë kontrolluar banesën e tij.
A ka dashur Berat Nimani të hakmerret ndaj familjes Akkurt për vrasjen e vëllait? Avokati i tij Peter Ëüller i tha BILD: “Sapo çështja të qetësohet pak, ai do të dorëzohet. Megjithatë, ai shprehet që është i pafajshëm”
