Operacioni policor i koduar “Next”, i zhvilluar nga Seksioni për Hetimin e Narkotikëve pranë DVP Durrës, në bashkëpunim me stacionin e Policisë Kufitare të Portit të Durrës, ka përfunduar me sukses.
Si rezultat i këtij operacioni u arrestua në flagrancë shtetasi italian S. M., 25 vjeç, i punësuar si marinar në linjën Durrës – Ankona. Ai u kap në terminalin e pasagjerëve të Portit të Durrës, gjatë përpjekjes për të kaluar jashtë Shqipërisë një pako me lëndë narkotike të dyshuar si kanabis.
Kontrolli u krye bazuar në informacionet e siguruara nga rrugë operative. Lënda narkotike u sekuestrua si provë materiale, ndërsa materiali procedurial i kaloi Prokurorisë pranë Gjykatës së Shkallës së Parë Durrës për hetime të mëtejshme për veprën penale “Trafikim i lëndëve narkotike”.
