Kreu i Partisë Demokratike, Sali Berisha foli për mediat pasi doli nga SPAK ku u thirr për një padi të bërë nga gjyqtarja Irena Gjoka për fyerje lidhur me deklaratat e bëra prej tij se ka marrë 500 mijë euro si ryshfet.
Berisha u justifikua duke thënë se ai ka bërë pyetje nëse ka patur biseda apo dosje të deputetit socialist Alket Hyseni dhe nëse ky i fundit i ka dhënë ryshfet për t’i hequr akuzën e grupit kriminal.
“Këtu u thirra me firmë të Altin Troplinit. Altin Troplini ishte shumë i shqetësuar se pse unë kam pyetur Irenën me 5 mbiemra nëse... Domethënë, i shqetësuar gjer në plalcë, Altin Troplini që po shtronte një gotë verë me Pojën, e kishte në zyrë...
Tani për fyerjen e gjyqtares, dëgjojeni pak këtu, të parashikuar në kaq e aq, irena Gjoka në detyrë pranë gjykatës, kur unë e pyes nëse ke një bisedë telefonike me Alket Hysenin për 500 mijë euro. Pyetje i kam bërë unë asaj. Dhe gjykatësja e Edi Ramës, familjare, se ka lidhje familjare me Edi Ramën. Unë desha të lexoj, por nuk arrita, për të kuptuar stilin nëse ka dorë Linda Rama në atë material apo jo se janë shumë shoqe, siç e keni marrë vesh. Janë shoqe.
Pra, ua them unë këtu, prisni... A ke ti ndonjë bisedë me Alket Hysenin me të cilën flitet për 500 mijë euro për ryshfet për të hequr nga klasifikimi si grup kriminal apo e ke me Mirel Mërtirin? Tani, këtë Irena me 5 mbiemra e ka marrë si fyerje”- deklaroi Berisha.
Më tej ai tha se pyetjen e ka bërë në funksionin e kryetarit të PD-së dhe shtoi se nëse do ishte e pafajshme Gjoka do ta shpjegonte.
“Pra ushtrimin e funksionit publik timin si kryetar i partisë më të madhe opozitare dhe pyetjen, në të cilën po të ishte e pafajshme, do ta refuzonte, do ta shpjegonte, por Irena, një mashtruese ordinere, një delinkuente klasike, një person që e ka vendin në burg dhe në qeli për ato që ka bërë, e nxitur nga Edi Rama dhe Altin Troplini, ngre padi ndaj meje për fyerje”- shtoi kreu i PD gjatë deklaratës së tij. Versus.al
