Rreth 50 mijë euro cash, të padeklaruara, janë sekuestruar nga autoritetet doganore dhe policia kufitare në Portin e Vlorës.
Shuma e konsiderueshme u gjet e fshehur në një furgon që vinte nga Brindisi, Itali, gjatë një kontrolli rutinë në vijën e dytë të kufirit.
Paratë nuk ishin deklaruar sipas detyrimit ligjor për sasinë e mjeteve monetare që kalojnë kufirin, çka ngriti dyshime për mundësinë e përfshirjes në veprimtari të paligjshme.
Policia ka shoqëruar drejtuesin e mjetit për verifikime të mëtejshme, ndërsa materialet i kanë kaluar Prokurorisë së Vlorës për hetim të mëtejshëm. Versus.al
