Hetimet për ngjarjen e rëndë të ndodhur më 10 gusht të këtij viti në Pogradec kur Denis Meçe i mori jetën Egli Progës duke e dhunuar me grushte, kanë marrë një tjetër drejtim së fundmi me rikthimin në burg të tre bashkëpunëtorëve të autorit, të cilët ishin lënë në “detyrim paraqitje” më herët.
Pronari i lokalit ku ka ndodhur dhuna, dyshohet se janë fshirë nga pronari i lokalit, Voltan Shkullaku dhe klientët Leonidha Guçe e Arjan Manellari duke përdorur një virus kompjuterik. Për të rikuperuar pamjet, Prokuroria e Korçës ka marrë një program të sofistikuar në Bullgari dhe deri më tani ka bërë të mundur rikuperimin e një pjese të filmimeve ku duken autori dhe dëshmitarët pas vrasjes së 42 vjeçarit, babait të dy fëmijëve.
Kujtojmë se ekspertiza mjeko-ligjore doli në përfundimin se shkak për vdekjen e Progës ishte bërë hemorragjia e cipës së trurit. Denis Meçe u arrestua si autor i krimit nën akuzën e vrasjes me dashje, por më pas prokurorja e cila tashmë është larguar, Vasjana Postoli, ia lehtësoi akuzën në vrasje nga pakujdesia. Ky krim tronditës që fillimisht u raportua se pati si shkak vendosjen e një gjobe nga ana e autorit, të cilën viktima nuk kishte pranuar ta paguante, ngjalli reagimin e opinionit publik në protesta të organizuara para kryeministrisë. Ndërsa pati edhe përplasje mes deklarimeve të policisë e prokurorisë pasi fillimisht ngjarja u raportua si aksidentale duke thënë se 42 vjeçari kishte qenë në gjendje të dehur dhe kishte humbur jetën pas një rrëzimi. Versus.al
