Në Durrës, qytetin ku biçikleta shpesh është "mbretëreshë" e rrugëve të ngushta dhe trotuareve plot trafik, policia ka vënë në pranga një burrë që, mesa duket, nuk e kishte me qejf të blinte të tijën. Në vend të kësaj, kishte vendosur të “huazonte” biçikleta... pa pyetur!
S.T., 36 vjeç, banues në Durrës, u arrestua si auori i dyshuar i të paktën 8 vjedhjeve biçikletash të ndorhura në zona të ndryshme të qytetit bregdetar. Policia i vuri prangat 36-vjeçarit në operacionin e koduar “Bicycle 3”.
Policia nuk përjashton mundësinë që S.T. të ketë qenë më aktiv sesa pranohet deri tani, ndaj pritet që lista e biçikletave “të zhdukura” të shtohet ende.
Materialet tashmë janë dërguar në Prokurori dhe çështja do të vazhdojë në gjykatë, ndërkohë që S.T. me siguri do ketë kohë të mendojë në qeli e ta marrë malli për biçikletat "e tij"...
Gjykata e Posaçme kundër Korrupsionit dhe Krimit të Organizuar ka lënë në fuqi masën e sigurisë “arrest në burg” për tre nga të arrestuarit në kuadër të megaoperacionit të SPAK për goditjen e trafikut ndërkombëtar të drogës dhe pastrimit të parave.
Në seancën për vlerësimin e masave të sigurisë, gjykata vendosi të mbajë në burg Orest Sotën, Orgest Birçajn dhe Dritan Agën. Ndërkohë, për Gëzim Islamin u vendos lirimi për arsye shëndetësore kundrejt një garancie pasurore prej 100 mijë eurosh.
Katër të arrestuarit dolën para Gjykatës së Posaçme këtë të shtunë, ndërsa seanca nisi në orën 09:00. Procesi u ndërpre për rreth dy orë pas kërkesës së avokatëve mbrojtës, të cilët kërkuan kohë për t’u njohur me aktet hetimore të dosjes.
Pas rifillimit të gjykimit, trupa gjykuese shqyrtoi kërkesat e palëve dhe vendosi masat e sigurisë për secilin prej të dyshuarve.
Në sallëne gjyqit ishin të pranishëm kreu i SPAK, Altin Dumani, prokurorja Elida Kaçkini dhe gjyqtarja Flojera Davidhi.
Megaoperacioni i SPAK ka në fokus goditjen e grupeve të përfshira në trafikun ndërkombëtar të narkotikëve dhe skemat e dyshuara të pastrimit të parave përmes investimeve në sektorin e ndërtimit. Hetimet për këtë çështje vijojnë.Versus.al
