Themeluesi dhe drejtuesi i platformës online Telegram, Pavel Durov, u arrestua të shtunën e mbrëmshme (24 Gusht) në aeroportin ndërkombëtar Bourges, afër Parisit, pasi ndaj tij ishte lëshuar një urdhër arresti nga drejtësia franceze në kuadër të një hetimi për shkelje të ndryshme të aplikacionit që ai ka krijuar, e cila, ndër të tjera, lejon shkëmbimin e mesazheve të koduara.
Miliarderi me nënshtetësi të dyfishtë, franceze dhe ruse 39 vjeç, u arrestua në Bourges midis orës 19:30-20:00.
Ai ishte nisur nga Baku, kryeqyteti i Azerbajxhanit dhe do të kalonte natën në Paris, ku kishte planifikuar të darkonte, sipas burimeve.
Ai pritet të dalë para gjykatësit gjatë ditës së sotme për t'u përballur me akuzat.
OFMIN, e cila është përgjegjëse për ndjekjen penale të krimeve kundër të miturve, kishte lëshuar një urdhër kërkimi kundër z. Durov, pasi ai ka marrë një rol koordinues në një hetim paraprak për vepra të ndryshme, nga mashtrimi te trafikimi i drogës, ngacmimi në internet, krimi i organizuar dhe madje dhe duke lavdëruar terrorizmin, bëhet me dije prej burimeve.
“Mjaft me mosndëshkimin e Telegramit”, tha i kënaqur një nga hetuesit, me një dozë habie që miliarderi, pavarësisht se e dinte se ishte në kërkim në Francë, vendosi të udhëtonte për në Paris.
“Ndoshta për shkak të ndjenjës se ai ka pandëshkueshmëri absolute”, komentoi një nga burimet.
Ambasada ruse në Paris po merr "masa të menjëhershme" për të sqaruar situatën rreth zotit Durov.
Platforma u themelua në vitin 2013 nga Pavel Durov dhe vëllai i tij Nikolai. Qëllimi i tyre ishte të krijonin një alternativë ndaj faqeve kryesore të rrjeteve sociale amerikane, të cilat shpesh kritikohen për shfrytëzimin komercial të të dhënave personale të përdoruesve të tyre.
Telegram është i përkushtuar që të mos zbulojë kurrë të dhënat e përdoruesit.
Në një nga intervistat e pakta që ka dhënë, Pavel Durov tha prillin e kaluar në Dubai se ideja e krijimit të një shërbimi të koduar të mesazheve filloi të zërë rrënjë tek ai pasi vuajti shumë presion nga autoritetet ruse ndërsa punonte për një rrjet social në internet që ai krijoi në vendin e tij para se ta shiste dhe të largohej nga Rusia në 2014.
Më pas ai u përpoq të vendosej në Berlin, Londër, Singapor, San Francisko, përpara se të zgjidhte më në fund Dubain, i cili shquhet për mjedisin e tij të biznesit dhe neutralitetin e tij.
“Mendoj se po ia dalim mirë me Telegramin, i cili ka 900 milionë përdorues që ndoshta do të kalojnë një miliard përdorues aktivë brenda një viti”, tha ai.
Në Emiratet Arabe, Telegram është i mbrojtur nga rregulloret dhe kontrollet e shteteve të tjera, pasi Bashkimi Evropian dhe SHBA ushtrojnë presion mbi platformat kryesore për të fshirë përmbajtjen që ata thonë se janë të paligjshme.
Sipas z. Durov, të cilin revista Forbes e vlerëson në vlerën e 15.5 miliardë dollarëve, disa qeveri duan t'i bëjnë presion, por ai beson se platforma e tij duhet të mbetet "neutrale" dhe të mos "luajë lojëra gjeopolitike".
Me grupet e lajmeve që ndonjëherë tejkalojnë 200,000 anëtarë, aplikacioni është akuzuar për lehtësimin e përhapjes së lajmeve të rreme, gjuhës së urrejtjes, neonazistëve, përmbajtjeve me mendje konspirative dhe madje edhe aktiviteteve të rrjeteve pedofilike dhe organizatave terroriste.
Përfaqësuesi i Rusisë pranë organizatave ndërkombëtare në Vjenë, Mikhail Ulyanov, argumentoi se Franca vepron si një "diktaturë", në një mënyrë "autoritare", një akuzë që Perëndimi shpesh ia drejton Moskës.
Ndërkohë edhe Elon Musk, njeriu më i pasur në botë dhe pronar i X (ish Twitter), komentoi pas arrestimit të Pavel Durov: "Është viti 2030 dhe në Evropë ju ekzekutoheni sepse ju pëlqeu një meme”.
Pavel Durov, the Russian-Born Emirati Founder of the Messaging App, Telegram has reportedly been Arrested at Le Bourget Airport near Paris, France due to his Refusal to Cooperate with French Authorities, who claim he is Complicit in Drug Trafficking and other Serious Crimes. pic.twitter.com/2E8796U2by
— OSINTdefender (@sentdefender) August 24, 2024
/ Versus.al
