Mediat turke kanë nxjerë në dritë informacione të reja për mënyrën sesi dy terroristët kryen sulmin në ambintet e Industrisë Turke të Hapësirës Ajrore (TUSAS) mesditën e së mërkurë.
More Footage showing the Terrorists who carried out today’s Bombing and Shooting Attack on the Headquarters of the Turkish Aerospace Industries in Ankara, Turkey. pic.twitter.com/aGwXsdf1XG
— OSINTdefender (@sentdefender) October 23, 2024
Dyshohet se pas këtij sulmi terrorist qëndron Partia militante e Punëtorëve të Kurdistanit, ose PKK.
Siç raporton media turke Haberler një nga terroristët i lindur në vitin 1992 ka qenë anëtar i PKK-së që nga viti 2016 por emri i tij nuk është bërë akoma i ditur.
Po sipas kësa medie dy autorët kishin kryer një vëzhgim në zonë para sulmit. Sipas një versionit po nga media turke një nga terroristët ka mbetur i vrarë në një shkëmbim zjarri me personat e sigurisë brenda objektit, ndërsa gruaja ka hedhur veten në erë me granatë kur ka konstatuar se nuk ka mundur t'i shmanget arrestimit.
5 ishte numri i viktimave të sulmit ku në mesin e tyre ishte dhe inxhinieria e qendrës TUSAS nënë e dy fëmijëve, Zahide Guclu e cila u vra në momentin kur mbërriti tek porta për të marrë lulet që i kishte dërguar i shoqi me rastin e përvjetorit të martesës.
Përgjigja e parë e Turqisë
Ministria turke e Mbrojtjes njoftoi pas mesnate se "tridhjetë e dy objektiva", pozicione të PKK-së dhe aleatëve të saj, u bombarduan në Irakun verior dhe në territorin e Sirisë, disa orë pas sulmit në Ankara..
"Siç lejohet nga e drejta jonë për vetëmbrojtje sipas nenit 51 të Kartës së Kombeve të Bashkuara, një operacion ajror u krye kundër objektivave terroristë në Irakun verior dhe Siri dhe gjithsej 32 objektiva terroristë u shkatërruan me sukses," tha Ministria në njoftimin për shtyp të lëshuar, duke sqaruar se "operacionet e linjës ajrore po vazhdojnë"./Versus.al
