Rreziku i një recesioni në SHBA dhe në të gjithë planetin këtë vit është rritur në 60% nga 40% më parë, për shkak të tarifave gjithëpërfshirëse të Presidentit Donald Trump , thotë banka më e madhe amerikane JP Morgan në një shënim , duke kundërshtuar qartë atë që vetë presidenti amerikan po predikon: se ato do të ndihmojnë ekonominë amerikane të shkëlqejë përsëri.
"Politika shkatërruese e SHBA është identifikuar si rreziku më i madh për perspektivën globale gjatë gjithë vitit," thanë strategët e JP Morgan të udhëhequr nga Bruce Kasman në një shënim të titulluar "Do të derdhet gjak", duke shtuar se politika tregtare e SHBA është bërë më pak miqësore ndaj biznesit sesa pritej.
Well, JPMorgan’s chief economist Bruce Kasman certainly sounds cheery. pic.twitter.com/aUZOnJO6iY
— Robin Wigglesworth (@RobinWigg) April 3, 2025
Banka amerikane i quajti gjithashtu tarifat barrën më të madhe tatimore për familjet dhe bizneset amerikane që nga viti 1968.
"Efekti i kësaj rritje të taksave ka të ngjarë të zmadhohet - për shkak të hakmarrjes, rrëshqitjes së klimës së biznesit në SHBA dhe problemeve në zinxhirët e furnizimit ," shton Kassman.
Ekonomisti i JP Morgan thekson se tarifat janë një "goditje thelbësore makroekonomike" ./Versus.al
