Presidenti rus Vladimir Putin mbajti mbrëmjen e sotme një fjalim paparalajmëruar në televizion.
Gjatë fjalimit të tij, ai tha se kishte sot Rusia përdorur një lloj të ri rakete në luftën kundër Ukrainës dhe paralajmëroi Perëndimin për mundësinë që Moska të mund të godiste vendet që ndihmonojnë Kievin që të sulmojë brenda territorit rus.
‘Ne kemi të drejtë të godasim vendet perëndimore që furnizojnë Kievin me armë me rreze të gjatë veprimi, - tha ai, - duke shpjeguar se konflikti, nga të qenit rajonal, ka marrë elementë të një karakteri global’.
Duke folur për kombin, Putin tha se Moska kishte lëshuar një raketë eksperimentale balistike me rreze të mesme-Oreshnik- duke goditur një bazë ushtarake në qytetin Dnipro. Sipas Putinit, ky sulm është ‘përgjigje’ ndaj sulmeve të Ukrainës në territorin rus në orët e fundit, ku raketat amerikane dhe britanike u përdorën për herë të parë.
‘Në rast përshkallëzimi, Rusia do të përgjigjet me vendosmëri dhe në mënyrë simetrike’, deklaroi Putin, i cili kërcënoi drejtpërdrejt Britaninë e Madhe dhe Shtetet e Bashkuara:
‘Rusia rezervon të drejtën të përdorë armë kundër objektivave të vendeve që lejojnë përdorimin e armëve të tyre kundër Rusisë’, theksoi Putin, duke pasur parasysh SHBA-në dhe Britaninë e Madhe.
