Detaje të reja kanë dalë lidhur me vrasjen e liderit të Hamasit, Yahya Sinwar.
Trupat izraelite kishin ndjekur për më shumë se një vit liderin e Hamasit, i cili u zhduk në Gaza menjëherë pasi organizoi sulmet e 7 tetorit. 61 vjeçari thuhej se e kishte kaluar pjesën më të madhe të kohës duke u fshehur në tunelet nën Rrip, së bashku me një kuadër truprojesh dhe një "mburojë njerëzore" pengjesh të kapur nga Izraeli.
Por në fund të fundit, duket se ai përfundoi në një përplasje të rastësishme me një patrullë izraelite në Gazën jugore.
Patrullë rutinë
Forcat e Mbrojtjes të Izraelit thonë se një njësi nga Brigada e saj 828 Bislamach po patrullonte Tal al-Sultan, një zonë e Rafah, të mërkurën.
Tre militantë u identifikuan nga trupat izraelite dhe të gjithë u eliminuan. Gjatw inspektimit tw tw ekzekutuarve, u zbulua se njëri prej trupave kishte një ngjashmëri të jashtëzakonshme me liderin e Hamasit.
Megjithatë, kufoma mbeti në vend për shkak të dyshimeve të kurtheve dhe në vend të kësaj, një pjesë e gishtit u hoq dhe u dërgua në Izrael për testim. Trupi i tij më në fund u nxor dhe u soll në Izrael më vonë atë ditë pasi zona u bë e sigurt.
Daniel Hagari, zëdhënësi i IDF, tha se forcat e tij "nuk e dinin se ai ishte atje, por ne vazhduam operacionin ushtarak".
Ai tha se trupat e tij i kishin identifikuar tre burrat që vraponin nga shtëpia në shtëpi dhe i kishin sulmuar para se të ndaheshin.
Sinwar "vrapoi i vetëm në një nga ndërtesat" dhe u vra pasi u gjet me një dron. Asnjë nga pengjet që Sinwar besohej se i përdorte si mburojë njerëzore nuk ishte i pranishëm dhe detaje bëjnë me dije se ai po përpiqej të lëvizte pa u vënë re, ose kishte humbur shumë nga ata që e mbronin.
Yoav Gallant, ministri i mbrojtjes i Izraelit, tha: "Sinwar vdiq i rrahur, i persekutuar dhe në arrati - ai nuk vdiq si komandant, por si dikush që kujdesej vetëm për veten e tij. Ky është një mesazh i qartë për të gjithë armiqtë tanë. "
Pamjet me dron të publikuara nga ushtria izraelite vonë të enjten thuhet se tregojnë momentet e fundit të Sinwarit përpara se të vritej. Videoja duket se është xhiruar nga një dron që fluturon përmes dritares së hapur të një ndërtese kryesisht të shkatërruar. I afrohet një burri, me kokën të mbuluar, i ulur në një kolltuk në katin e parë të një shtëpie të mbushur me mbeturina.
Burri, i cili duket se është plagosur, më pas hedh atë që duket të jetë një shkop drejt dronit dhe video përfundon. Versus.al
