Donald Trump dhe mbështetësi i tij i pasur Elon Musk shkëmbyen një antologji të teorive radikale të hënën, duke krahasuar emigrantët e paligjshëm me "zombët" ose duke folur për një "grusht shteti" kundër presidentit amerikan Joe Biden, gjatë një bisede në X, të vonuar kryesisht nga një "sulm masiv kibernetik".
Bosi i rrjetit social, gjithashtu në krye të Tesla dhe Space X, kishte premtuar një moment “shumë argëtues”.
Mbi të gjitha, Musk i lejoi zotit Trump të riciklonte temat e fushatës së tij në prani të një bashkëbiseduesi miqësor dhe i vendosur për të mos e kundërshtuar, ish-presidentin.
Ish-presidenti republikan premtoi edhe një herë "deportimin më të madh në historinë" e Shteteve të Bashkuara, duke pretenduar se fluksi masiv i emigrantëve nën administratën e Biden e ka rritur krimin.
"Ne kemi njerëz që grumbullohen sikur të ishte një apokalips, zombie," pranoi zoti Musk, i cili ka pasur prej kohësh një marrëdhënie të ndërlikuar me zotin Trump, por e ka mbështetur publikisht atë që nga atentati kundër tij muajin e kaluar.
Gjiganti i teknologjisë shfrytëzoi rastin për të etiketuar Kamala Harris, konkurrenten e re të zotit Trump në garën për Shtëpinë e Bardhë, si një kandidate "e majta ekstreme".
Duke luftuar për të kundërshtuar entuziazmin e krijuar nga hyrja e zonjës Harris në garë, Trump vuri në dyshim legjitimitetin e saj.
Heqja dorë e presidentit aktual Joe Biden nga kandidimi për president në SHBA, për shkakt të dyshimeve për shëndetin e tij, sipas Trump "ishte një grusht shteti".
Ndryshimi i klimës
Për dy orë, dy miliarderët u shfaqën si dy shokë duke biseduar, pa kundërshtuar kurrë njëri-tjetrin.
Trump, bëri shaka për ndryshimin e klimës, duke shpjeguar se rritja e oqeaneve do të rezultojë në "më shumë prona buzë plazhit".
Gjë që nuk e pengoi atë të lavdëronte makinat elektrike Tesla të prodhuara nga bashkëbiseduesi i tij, të cilat i dukeshin "të pabesueshme".
Trump shfrytëzoi rastin për të promovuar marrëdhëniet e tij me liderë autoritarë si presidenti rus Vladimir Putin dhe ai i Koresë së Veriut Kim Jong Un.
"Unë mendoj se njerëzit e nënvlerësojnë rrezikun e një lufte të tretë botërore," shtoi zoti Musk.
Kandidimi?
Musk dukej se po kandidonte për një pozicion nën një administratë e ardhshme të Trump, duke shpjeguar se ai do të dëshironte të shërbente në një komision që "do të sigurohej që dollarët e taksapaguesve të shpenzohen me mençuri".
Një perspektivë tërheqëse për ish-presidentin, i cili e përgëzoi zotin Musk për valët e pushimeve nga puna që vendosi në X.
“Ju jeni reduktuesi më i mirë i kostos,” komplimentoi ai.
Musk përfundoi intervistn e tij duke u shprehur se Trump sht kandidati i duhur pr t fituar zgjedhjet n Amerik:
"Unë mendoj se jemi në një pikë kthese në fatin e qytetërimit dhe mendoj se duhet të marrim rrugën e duhur," i tha ai zotit Trump. "Dhe unë mendoj se ju jeni rruga e drejtë."
