Një moment i papritur dhe i ngarkuar emocionalisht ndodhi gjatë emisionit Good Day Philadelphia në Fox News , kur prezantuesi Mike Jericho mësoi nga një dermatolog se kishte kancer të lëkurës.
Zbulimi u bë nga dermatologia e njohur Dr. Joanna Walker e Qendrës së Melanomës Tara Miller në Universitetin e Pensilvanisë.
Ndërsa mjekja shqyrtoi dorën e prezantuesit, ajo vuri re një njollë shqetësuese, e cila kishte të gjitha shenjat dalluese të llojit më të zakonshëm të kancerit të lëkurës - karcinomës bazale .
"Kjo ka të gjitha shenjat dalluese të llojit më të zakonshëm të kancerit të lëkurës", tha Walker, duke e lënë Jerrick-un "të ngrirë" ndërsa e kuptoi seriozitetin e situatës.
Walker shpjegoi se ishte një kancer "me rritje shumë të ngadaltë", i cili megjithatë kërkonte heqje të menjëhershme në mënyrë që të mos përhapej dhe të vazhdonte të shkatërronte lëkurën e shëndetshme.
Kanceri i lëkurës është lloji më i zakonshëm i kancerit në Shtetet e Bashkuara, me statistikat që tregojnë se një në pesë persona ka të ngjarë të diagnostikohet me këtë lloj kanceri deri në moshën 70 vjeç.
Shmangia e diellit, shtretërve për rrezitje dhe përdorimi i kremit mbrojtës nga dielli mund të ndihmojë në parandalimin e këtij lloji të kancerit të lëkurës.
Kanali televiziv konfirmoi se Jerrick ka caktuar tashmë një takim për të hequr nishanin.
"Kur ma përmendi, nuk u shqetësova fare. Thjesht thashë, 'Oh, dreq, duhet ta kisha bërë këtë shumë kohë më parë'", tha ai./Versus.al
View this post on Instagram
