Gjykata Kushtetuese shqyrton sot ligjin për SPAK dhe GJKKO ku do të dalë në përfundim nëse komisioni për kandidatët e këtyre institucioneve, është në përputhje me kushtetutën.
Seanca nisi sot në orën 10:00 ndërsa trupa u tërhoq për diskutim rreth orës 12:30. Seanca e radhës do të mbahet më 23 prill.
Çështja në shqyrtim lidhet me mosemërimin e gjyqtarit Gerd Hoxha në GJKKO, për të cilën është thirrur si palë e tretë Këshilli i Lartë Gjyqësor.
Hoxha nuk u pranua në GJKKO pasi takoi kryebashkiakun nën hetim Erion Veliaj. Ishte gjykata administrative ajo që e çoi çështjen në Gjykatën Kushtetuese.
Gerd Hoxha pretendoi në Gjykatën Administrative se u skualifikua nga gara pasi Komisioni i Pavarur i Kualifikimit që ka në përbërje dy prokurorë, një gjyqtar të posaçëm, një hetues të BKH dhe një hetues financiar, i dhanë vlerësim negativ. Sipas tij, komisioni përdori një foto rastësore të tij me kryebashkiakun Veliaj në një event. Versus.al
