Policia ka arrestuar Xhulio Golgotën, inspektorin e Autoritetit Portual Durrës i cili ishte shpallur në kërkim në kuadër të operacionit për zbatimin e masave të sigurisë sa u takon mbetjeve toksike të kompanisë “Kurum”.
Golgota ishte shpallur në kërkim për shpërdorim detyre. Ai ka qenë inspektor i mjedisit në port gjatë periudhave kur jnë eksportuar sasia e mbetjeve të Kurumit.
"Specialistët e Sektorit për Hetimin e Krimeve Ekonomiko-Financiare kapën dhe ndaluan Xh. G., 37 vjeç, banues në Durrës, i cili ishte shpallur në kërkim pasi Gjykata e Shkallës së Parë e Juridiksionit të Përgjithshëm Durrës, me vendimin e datës 03.02.2026, i ka caktuar masën e sigurisë “Arrest në burg”, për veprën penale “Shpërdorimi i detyrës”- njofton policia.
Për skandalin e mbetjeve toksike, janë caktuar 33 masa sigurie nga Gjykata e Durrësit me kërkesë të prokurorisë vendore. Vijon të mbetet në kërkim "koka" e këtij skandali, pronari turk i "Kurum" Erdal Demir. Versus.al
