Tiranë- Gjendja shëndetësore e avokatit Sokol Mëngjesi i cili të mërkurën u dhunua me leva dhe grushte nga disa persona, paraqitet më e mirë.
Burime bëjnë me dije se mjekët në Spitalin e Traumës do tentojnë sot zgjimin e avokatit nga gjendja e komës ku ndodhet prej 6 ditësh. Skaneri i analizave tregon se ka ulje të ënjtjes në tru të avokatit.
Pavarësisht se gjendja e tij paraqitet e stabilizuar, Mëngjesi do të vijojë të jetë në intubim edhe për dy ditë.
Të arrestuar për dhunën barbare ndaj Mëngjesit janë Dorian Alia, një prej dhunuesve dhe Dritan Nano, i dyshuar si organizator i krimit. Alia rezulton të jetë dhëndri i Dritan Nanos.
Ndërkohë, tre prej autorëve të akuzuar për dhunën ndaj tij janë ende në kërkim. Policia nuk ka asnjë gjurmë për Drivaldo Alian dhe Elton Kasajn si dhe për Romario Tabaku i cili dyshohet se largoi me makinë autorët nga vendngjarja. Për këdo që ka informacion mbi vendndodhjen e tyre, policia ofron 20 mijë euro shpërblim.
Pas zbardhjes së rrethanave të ngjarjes, u zbulua se shkak për dhunën ndaj avokatit ishte bërë një gjyq që ky i fundit kishte fituar ndaj Dritan Nanos, njërit prej 8 pronarëve të cilëve Mëngjesi u kishte fituar gjyqin por Nano nuk kishte pranuar t’i jepte pagesën e shërbimeve të kryera. Versus.al
Gjykata e Posaçme kundër Korrupsionit dhe Krimit të Organizuar ka lënë në fuqi masën e sigurisë “arrest në burg” për tre nga të arrestuarit në kuadër të megaoperacionit të SPAK për goditjen e trafikut ndërkombëtar të drogës dhe pastrimit të parave.
Në seancën për vlerësimin e masave të sigurisë, gjykata vendosi të mbajë në burg Orest Sotën, Orgest Birçajn dhe Dritan Agën. Ndërkohë, për Gëzim Islamin u vendos lirimi për arsye shëndetësore kundrejt një garancie pasurore prej 100 mijë eurosh.
Katër të arrestuarit dolën para Gjykatës së Posaçme këtë të shtunë, ndërsa seanca nisi në orën 09:00. Procesi u ndërpre për rreth dy orë pas kërkesës së avokatëve mbrojtës, të cilët kërkuan kohë për t’u njohur me aktet hetimore të dosjes.
Pas rifillimit të gjykimit, trupa gjykuese shqyrtoi kërkesat e palëve dhe vendosi masat e sigurisë për secilin prej të dyshuarve.
Në sallëne gjyqit ishin të pranishëm kreu i SPAK, Altin Dumani, prokurorja Elida Kaçkini dhe gjyqtarja Flojera Davidhi.
Megaoperacioni i SPAK ka në fokus goditjen e grupeve të përfshira në trafikun ndërkombëtar të narkotikëve dhe skemat e dyshuara të pastrimit të parave përmes investimeve në sektorin e ndërtimit. Hetimet për këtë çështje vijojnë.Versus.al
