Çfarë do të gjeni në brendësi
Dosja “Hajrulla”/ Leje pa të drejtë page për të trafikuar drogë, kush ia paguante “SKY” policit Rezart Kuçi?!
Oficerit të Policisë së Shtetit Rezart Kuçit, ia paguante tarifën e telefonit sky ecc shtetasi Ervis Matodashaj, ky i fundit i shpallur në kërkim në kuadër të dosjes për goditjen e grupit kriminal të Inez Hajrullës.
Në dosjen hetimrore përfshihen implikimet e tij, në dhënie informacionesh, qoka kundrejt pagesave dhe angazhime të drejtëpërdrejta në trafikim të narkotikëve e gjithashtu disa nga episodet kryesore të trafikimit të drogës dhe kapjet e tyre në disa shtete.
Pjesë nga dosja:
REZART KUÇI: Fol icik me atë të sky se më mbyllet sot
ERVIS MATODASHAJ: Po i shkruajta
Dhe Matodashaj i dërgon mesazhin që I ka nisur një kontakti të regjistruar me emrin
“SERVISI”: O vlla më bëj një ofertë 6 mujore të të nis lekët me fugon se jam në Vlorë
SERVISI: 5 minuta është gati
Nga hetimet e deritanishme, ka rezultuar se personi nën hetim Rezart Kuçi, në cilësinë e OPGJ/shef krimesh, ka krijuar marrëdhënie të qëndrueshme bashkëpunimi me shtetasin Ervis Matodashaj, i cili është i përfshirë në aktivitet kriminal. Në kuadër të kësaj marrëdhënie, personi nën hetim Ervis Matodashaj, ka kryer pagesën në vlerën 1200 euro, për rimbushjen e llogarisë të Rezart Kuçi, në aplikacionin e enkriptuar Sky EÇ. Pagesa është kryer në funksion të përdorimit të këtij aplikacioni për komunikim të fshehtë, të lidhura me veprimtari kriminale.
SPAK thotë se Kuçi ka pranuar përfitimin pasuror dhe e ka përdorur mjetin e komunikimit për shkëmbim informacioni me personat e përfshirë në aktivitet kriminal, dhe është i lidhur drejtëpërdrejt me funksionin e tij si shef krimesh.
Një mesazh i datës 11 janar 2021, tregon qartë precedentin e rëndë të implikimit të punonjësit të Policisë së Shtetit në krim.
Pjesë nga dosja:
REZART KUÇI: U shkëmbeva me audin. Prandaj
ERVIS MATODASHAJ: Me kë aud vlla
REZART KUÇI: Me atë audin për atentat, që mban ti. Me targa angleze.
Në analizë të kësaj bisede, Rezart Kuçi pohon se ka dijeni që Ervis Matodashaj ka një automjet, të markës "Audi", me targa angleze dhe është në dijeni që ky automjet është i destinuar për "atentat". Në këtë mënyrë ai me mosveprimet e tij ka kontribuar duke patur një rol mbështetës ndaj aktivitetit kriminal të Ervis Matodashaj
Rreth një muaj më vonë Kuçi e njofton Matodashajn për një operacion policor dhe se si duhet të sillet.
REZART KUÇI: Ik që aty o budall. Se më kanë dhonë urdhër me ardh me ju mor. Hahahahaha... Çdo ti aty? Është alarmu gjithë dynjaja. Vk, se merrem unë po vi aty. Ai boti flet gjë po e pyeta unë… Rri serioz kur të vi unë. Ka dhënë urdhër i madhi. Mos e ça k*rin, se e kam unë situatën në dorë, kujdes rrini serioz mos jepni të njofme. Ik direkt tek shpia jote mos rri rrugëve. Ik në shpi, jo këtu poshtë.
Kuçi rezulton i përfshirë edhe në trafikimin e lëndëve narkotike në bashkëpunim me Arben Memishajn dhe një person që identifikohet me inicialet RL. Droga do transportohej në linjën detare Marok-Spanjë. Në Spanjë ata kishin siguruar dhe magazinuar një gomone rreth 8 metra të gjatë për trasnportimin e driogës. Në të njëjtin vend ishte magazinuar edhe sasia e lëndës narkotike që është sekuestruar nga autoritetet policore gjermane. Kuçi aktivizohet personalisht në sigurimin e gomones për të trafikuar drogë dhe shkëmben mesazhe me një person të paidentifikuar.
REZART KUÇI: Ke mundësi të gjesh një mjet të madh për punë të forta. Se kam një linjë super që punon gjithë kohës. Jo aty në Shqipëri
BOG8VA: Po e gjejmë. Pilotin e ke ti, dhe për ku, Itali apo Turqi?
REZART KUÇI: Jo jo, këndej nga krahu tjetër. Pyet e më thuaj. Mjet të madh. Jo nga ata me dy motor, 10 metrorshit. Kam një super kontakt këtu në Spanjë. Shiko pyet me terezi.Po pate... Ta fus në punë e të lë dhe çik hapsirë në ngarkesë. Do ngelesh shumë i kënaqur. S’besoj të kesh parë punë si kjo ndonjëherë. Pilota ka,sështë problem, i gjej vet.
Më pas ai e pyet se ku ndodhet dhe Rezarti konfirmon se ndodhet në Spanjë. Rezarti shprehet se është i interesuar për gomonen dhe të jetë me përmasa të mëdha, pasi është gati për të transportuar rreth 3-4 ton lëndë narkotike e llojit cannabis, duke ju referuar si "çokollatë"
Po në datën 02.10.2020, Rezart Kuçi komunikon me Arben Memishaj ku flasin për gomonen, ngarkesën e drogës, dhe një muaj vonesë nga sa e kishin parashikuar ta transportonin.
Më 14 tetor 2020, përfundimisht zgjidhet çështja e gomones dhe parkingut të saj në Marok. Targat dhe dokumentat e gomones janë false. Më 10 nëntor të të njëjtit vit gomonia që mban 5 ton niset me kamion dhe në darkë futet në traget drejt destinacionit ku diskutohet ti vihen pajisje gjurmuese./Versus.al
“T’u çojmë shtetin”, grupi i Inez Hajrullës ndiqte rivalët me GPS, drejtuesi policor në shërbim të tyre
Dosja hetimore për zbardhjen e vrasjes së Gentian Qarrit në vitin 2021 në Vlorë, ka nxjerrë në dritë sesi grupi i “të fortit të Vlorës”, Inez Hajrulla bashkëpunonte me efektivë brenda policisë për të dëmtuar grupin rival. Përgjimet e zbardhura në SkyEcc tregojnë se Hajrulla dhe krahu i tij i djathtë, Ervis Matodashaj merrnin vazhdimisht informacione se grupi rival i Fatmir Hysenit që njihet si “Doqe” prej kohësh bënin përgatitje për t’i goditur.
Në mesazhet e tyre flitet për personat e grupit rival, mes të cilëve edhe Gentian Qarri. Në shkurt të vitit 2021 pasi arritën të zbulonin disa prej anëtarëve të grupit, i shpalluri në kërkim Inez Hajrulla u kërkon që “t’u çojnë shtetin”, pra policinë.
Gjurmimi i kundërshtarëve bëhej përmes aparateve GPS që u vendosnin në makina për të kryer lëvizjet e tyre. Çdo informacion që Inez Hajrulla merrte ishte i saktë dhe i detajuar. Sipas SPAK, Hajrulla dhe Matodashaj komunikonin me ekzekutorët e Gentian Qarrit nëpërmjet radios.
Pjesë nga përgjimet në SkyEcc:
Ervis Matodashaj: Po atë e mori ambulanca
Inez Hajrulla: Le ta marri, deri tek shkallët e spitalit do vejë po e ka marrë ambulancë.
Kjo bisedë nënkupton se ata po vëzhgonin zonën edhe pas atentatit dhe se Hajrulla shprehte bindjen se nuk do u mbijetonte plagëve nga 20 plumbat. Biseda tregon sesi plani po u shkonte mirë pasi informacioni për mjetin e autorëve ishte dhënë gabim.
Matodashaj: Po këta po kërkojnë ‘Golf’
Hajrulla: Fola, po ça thua, kanë ngatërruar makinë vk mu tek Milano jan ata!
Matodashaj: Kush ka ngatërruar makinë?
Hajrulla: Shteti, në vend të makinës saktë, kanë thënë ‘Golf’ . Njërzit që kanë dhënë informacion
Matodashaj: Ok, super…
Makina që përdorën autorët për vrasjen e Gentian Qarrit dhe që e dogjën ishte një “Toyota Auris” e vjedhur në Greqi. SPAK identifikoi vetëm Ervis Matodashajn dhe Inez Hajrullën si porositës, financues dhe koordinues të veprimeve më datë 06.02.2021, ku është qëlluar me armë zjarri ndaj shtetasit Gentjan Qarri. Ndërkohë ekzekutorët mbeten ende të paidentifikuar.
Hetimet për grupin kriminal të Hajrullës zbuluan edhe infiltrimin e drejtuesit policor Rezart Kuçi i cili shfaqte jetën e tij luksoze në rrjetet sociale ndërkohë që ishte vënë në shërbim të grupit të rrezikshëm.
Në një prej episodeve të zbardhura në dosje, Kuçi shfaqet duke biseduar me Flodian Plakun, njërin prej të arrestuarve si pjesëmarrës në ekzekutimin e Gentian Bejtjas në Fushë Krujën ë 2024. Plaku pyet Kuçin për prani policie në banesën e tij në Vlorë dhe më pas kupton se kontrollet në banesën e tij bëheshin për cështje të autoriteteve italiane që i kishin dhënë lirinë po atë ditë. Kuçi i thotë se është bërë kontroll me zell nga prokurori shqiptar të cilin edhe e ofendon.
Pjesë nga biseda mes tyre në SkyEcc:
FLODJAN PLAKU: Vlla, tani me thanë që mi ka lënë prokurori sepse e ks mar vesh që më kanë liruar dhe i ka lënë me shërbim ruajtje në arrest 24 orë derisa t’vij konfirmimi po besoj nesër maksimumi pasnesër vin dhe më lën t’lir
REZART KUÇI: S’besoj të ketë noi gjë për tu shqetësuar. Po pse i ke q*re gruan ti atij? Që e paska marrë kaq me vrullë ai. Ok shumë mirë
FLODJAN PLAKU: Po i ka ardh inat pse s’më çoj në Itali e më liroi Italia më para hahaha
REZART KUÇI: Mirë mos luj se si dihet. Se mos sjell noi shërbim tjetër përveç atyre që shef ti. Mbështillu në shpi sa të vijnë letrat
FLODJAN PLAKU: Po po vlla kudo vete se mezi i mbylla në Itali, më mirë duroj ca ditë brenda t’njoh dhe t’shpis se I kemi harruar fytyrën haha
REZART KUÇI: Hahhaahhahahahhaha
Për këtë rast, punonjësi i policisë i ngarkuar me detyrimin ligjor për ruajtje të sekretit hetimor, zbatimin e ligjit, në kundërshtim të hapur me ligjin, ka nxjerrë informacion konfidencial operacional, duke rrezikuar dështimin e operacionit, si dhe ka dëmtuar rëndë interesat e shtetit, rendin juridik dhe besimin e publikut tek organet e rendit.
Në një episdo tjetër, Rezart Kuçi, rezulton se ka shkuar me shërbim për kërkimin e një personi dhe në banesën ku ka shkuar ka gjetur një aparat celular. Gjatë këqyrjes së aparatit celular është evidentuar nga ana e tij një mjet gomone. Ai ia çon foton e Gomones Ervis MAtodashajt dhe ky I fundit I thotë se është e një shokut të tij. Pasi mëson këtë, oficeri e fshin foton nga celulari I sekuestruar, duke dëmtuar provat materiale.
Tjetër episod, ku Rezart Kuçi, kontaktohet nga një përdorues i paidentifikuar nga SPAK në SKY ECC. I kërkohet informacion mbi vendndodhjen e një shtetasi me emrin Bujar A. Sipas kërkuesit, ka një detyrim 40 mijë eurosh për çështje droge dhe se jeton në Ankona. Pas disa orësh, Rezart Kuçi i dërgon të dhënat që iu kërkua nga bashkëbiseduesi shoqëruar me fotografi personale. Për detaje shtesë rreth vendndodhjes dhe profilit të personave që kërkon, oficeri i policisë lë takim në Tiranë, por pala tjetër nuk shkon, por I dërgon mikun e tij të interesuar. Kuçi flet me të edhe se sa para ti kërkojë.
REZART KUÇI: Ça thua s’je këtu ti?
Përdorues i paidentifikuar: Ika mjes jam n’Tiran vlla janë te ‘Davinci’ ata çunat për 5 min aty po ulen. Ika se kisha takim mu desh patjetër të vija janë 600 mij euro borxh këtej nuk po më hyjnë në sy ato me 40 aty 20 hahaha...takoj ti po s’ke punë vlla ke Iliri i gjen
REZART KUÇI: O vlla duhet të ishe këtu sot. Ose e linim për ditë tjetër.
Përdorues i paidentifikuar: O vlla po kisha takim në Tiranë sot për punë Turqis po tako atë qerosin vlla atë shokun tim e njëjta është pa merak fol me të vlla. I thash e kam shok për ty por pa lekë nuk bëhen punët e di vetë ai vlla më tha ndaj fol pa merak me të. O vlla, më thuj sa lek ti them, që mos të jesh siklet ti fare... Versus.al
