Çfarë do të gjeni në brendësi
Ekz*kutimi me armë zjarri në Elbasan, identifikohet biznesmeni i vr*rë
Është identifikuar biznesmeni që u ekzekutua mbrëmjen e sotme në Elbasan. Edmond Hyka alias Mondi Mëhalla, 43 vjeç u qëllua me armë zjarri nga dy persona pranë karburantit "Xhaxhi Oil" në pronësi të tij, në dalje të Elbasanit.
Dyshohet se biznesmeni është qëlluar me armë zjarri tip pistoletë, ku ka marr dy plumba në kokë. 43-vjeçari rezulton me precedent penal për shpërndarje narkotikësh dhe armëmbajtje pa leje.
E gjithë zona është e survejuar nga kamera dhe qarkullimi në këtë aks rrugor ku ka ndodhur ngjarja, ka qenë jashtëzakonisht e dendur dhe mbërritja e forcave të policisë ka qenë mjaft e shpejtë.
Atentati duket i mirë organizuar dhe atentatorët kanë organizuar vrasjen, duke u larguar vetëm pasi janë bindur se personi ka ndërruar jetë.
Dyshohet se janë dy persona që kanë kryer ngjarjen. Nuk dihen ende lëvizjet e tyre si janë afruar në ambjentet e karburantit.
Ka dyshime se kanë lëvizur me një automjet. Fillimisht po merren në pyetje dëshmitarë okularë por nuk ka të dhëna konkrete, apo persona të dyshuar për ekzekutimin e Edmond Mahallës.
Dyshimet po verifikohen për pista të mëparshme hetimore, me ndonjë konflikt të mundshëm. Nuk dihet se nëse i vrari ka patur konfliktet të mëparshme. Pritet të merren në pyetje dhe familjarë të tij.
EMRI/ Vritet me armë zjarri biznesmeni në Elbasan
Një ngjarje e rëndë ka tronditur mbrëmjen e sotme Elbasanin, biznesmeni Edmond Hyka alias Mondi Mëhalla, 43 vjeç është ekzekutuar me armë zjarri.
Biznesmeni ndodhej në karburantin "Xhaxhi Oil" në pronësi të tij, në dalje të Elbasanit. Ai u gjet vdekur pranë automjetit të tij. Raportohet se Mondi Mehalla ka marrë dy plumba në kokë. Burime bëjnë me dije se janë dy autorë të përfshirë në ekzekutimin e 43 vjeçarit.
Dyshohet se biznesmeni është qëlluar me armë zjarri pistoletë. 43-vjeçari rezulton me precedent penal për shpërndarje narkotikësh dhe armëmbajtje pa leje.
Njoftimi i policisë
Elbasan / Informacion paraprak
Rreth orës 20:35, është marrë njoftim se në lagjen "Emin Matraxhiu", brenda në një automjet të parkuar, është gjetur, i vrarë me armë zjarri, shtetasi M. M. alias E. H., 43 vjeç.
Në vendngjarje shkuan menjëherë shërbimet e Policisë dhe janë ngritur pika kontrolli në dalje të qytetit, dhe vijojnë kontrollet në zonë e në ambiente të ndryshme, për kapjen e autorit/ëve.
Ndërkohë, është ngritur një grup i posaçëm hetimor, i cili, nën drejtimin e Prokurorisë, po punon intensivisht për sqarimin e rrethanave, dokumentimin ligjor, si dhe për identifikimin dhe kapjen e autorit/ëve.
