Kryeministri Edi Rama foli për situatën e ndërtimeve në zona jashtë vijave të verdha në Shqipëri duke zbuluar se qeveria nuk e kishte ende një plan konkret sesi do të zgjidhet problemi i ndërtimeve në zona ku nuk është dashur dhe për të dalë me një planimetri të zonave të cilat do të duhet të zhvillohen në kuadër të përpjekjeve të vendit për t’u anëtarësuar në BE.

Ai tha se duhet parë mundësia që personat të cilët kanë investuar në zona të caktuara ku nuk lejohet, të marrin një banesë në një vend tjetër, por ende nuk ka një zgjidhje konkrete mbi këtë çështje.

“Nga eksperienca dhe nga cfarë bëmë me Thethin dhe çfarë po bëjmë me bashkinë e Himarës së pari duhet bërë një ndarje shumë e qartë e kujt ka qenë aty, prej kohësh dhe kujt ka ardhur dhe ka ndërtuar aty në shkelje të ligjit. Është e paimagjinueshme për mua që ata që i kanë pasur aty shtëpiytë e katragjyshërve nuk e kanë akoma hipotekën, dhe thuhet që është zonë e mbrojtur. Aty kanë jetuar njerëz me breza. Pjesa tjetër është më problematike jo sepse shtëpitë e ndërtuar rishtaz duhet gjetur mënyra se si të balancohet mundëisnë për siguritë e investimit por dhe me të ardhmen që Shqipëria të ketë mundësi të pastrojë që të rrisë kapacitetin e vet ekonomik dhe tu jepet mundësia që të marrin shtëpitë e tyre në një vend tjetër. Është ndërtuar shumë dhe keq dhe dëmshëm në shumë zona dhe ne kemi bërë një frenim. Ne nuk e kemi akoma një përgjigje të saktë në lidhje me këtë çështje se si duhet tu garantojmë pronën dhe të mos prekim mundësinë për zhvillimin e Shqipërisë”- deklaroi kryeministri.

Ndërsa sa i takon bashkisë që mban kreun për procesin e legalizimeve, ai veçoi Shijakun gjatë fjalës së tij. Versus.al

Gjatë takimit me kryetarët e Bashkive, kreu i qeverisë, Edi Rama u shpreh se shumë shpejt do të prezantojnë ‘Paketën e Maleve’, një program për të mbështetur ata që janë jashtë dhe duan të ndihmë për të investuar në shtëpitë e tyre për t'i kthyer në sipërmarrje biznesi.

Rama solli në vëmëndje historinë e një djali të cilin e kishte takuar në Theth dhe me biznesin që kishte ngritur në këtë fshat malor ndihmonte motrën dhe vëllanë që punonin atje.

Kreu i qeverisë shtoi më pas se kryetarët e bashkive duhet ta përdorin këtë paketë si instrument pasi kanë kontakt më të drejtpërdrejtë dhe kanë mundësi të kenë një komunikim që është më nxitës.

"Gjatë këtij muaji prezantojmë 'Paketën e maleve', një program i ri për të mbështetur ata që janë jashtë dhe duan ndihmë për të investuar në shtëpitë e tyre për t’i kthyer në sipërmarrje biznesi. Ata që janë në emigracion, apo ata që janë në Tiranë dhe kanë një pasuri atje. Është një paketë pozitive, kemi punuar gjatë që të mos jetë pak, por goxha domethënëse. Është një paketë që duhet ta përdorni ju, ta shfrytëzoni për të inkurajur më shumë dhe për t’iu dhënë më shumë shtysë atyre që e kanë me dy mendje.

Në Theth kam takuar një djalë që me biznesin në Theth ndihmon me lekë motrën dhe vëllain që punojnë në Itali. Ata punojnë në Itali, por nuk iu del. Dhe u thoshte po hajdeni në Theth, se kemi mundësi të zgjerohemi, unë kam nevojë. Na vjen zor se do dukemi di dështakë. Është konkret personi, familja. Prandaj është e rëndësishme që paketën e maleve ta përdorin si instrument kryetarët e bashkive se kanë kontaktin më drejtpërdrejtë dhe kanë mundësi të kenë një komunikim që është më nxitës", tha Rama./Versus.al

Ndryshe nga çfarë kishte deklaruar kohë më parë për ndërtimet pa leje, kësaj here Rama duket se e ka ‘zbutur’ tonin ndaj atyre të cilët bëjnë ndonjë shtesë ndërtimi në banesat e tyre, si për shembull një avlli.

Kryeministri u kërkoi policëve që të mos përqendrohen kaq shumë tek qytetarët të cilët po bëjnë shtesa të caktuara në territorin e banesës së tyre.

"Çdo polic që ju shfaqet në avlli, ky fenomen ka ardhur duke u zvogëluar dhe ju shkojnë për një avlli dhe ju rrinë te koka, dhe dihet pse. Janë në mënyrë të përsëritur të informohen punonjësit e policisë që të mos e shohin luftën tek ndërtimet pa leje te riparimet dhe shtesat dhe të mos e shohin si . dhe ccdo sinjal që merrni për këtë ta ndani me ne, ministrin e brendshëm dhe me ne”- tha Rama. Versus.al

Pjesë e fjalës së kryeministrit Edi Rama gjatë mbledhjes me kryebashkiakët në kryeministri, ishte edhe procesi i legalizimeve që sipas tij nuk po ecën me ritmin që ka kërkuar. Ai theksoi se bashkia e Shijakut mbetet bashkia ‘kampione’ në këtë proces dhe u tha kryebashkiakëve të tjerë se ata mundet vetëm të luftojnë për të marrë vendin e dytë.

“Bashkia e Shijakut është bashkia model për procesin e legalizimeve. Nuk po them të arrini bashkinë e Shijakut por të paktën mund të luftoni për vendin e dytë”- tha Rama.

Ndërsa foli edhe për pjesën e mungesës së përgjigjshmërisë së bashkive ndaj qytetarëve.

“Në mbyllje është një plagë. Një nivel shumë i ulët i përgjigjies ndaj qyetarit në platformën e bashkëqeverisjes. Është krijuar si platformë për t’u ardhur në ndihmë të gjithë qytetarëve që pa pasur nevojë të shkojnë lart e poshtë, ta cojnë në majë shqetësimin e tyre”- shtoi kryeministri.

Ai theksoi domosdoshmërinë e rritjes së përgjegjshmërisë dhe solidarizimit me qytetarët duke u kërkuar kryebashkiakëve që të takohen me sa më shumë banorë që munden. Versus.al

Kryeministri Edi Rama ka pasur kritika të shumta për bashkitë sa i takon menaxhimit të emergjencave civile të shkaktuara nga katastrofat natyrore si në rastin e përmbytjeve. Kreu i qeverisë kritikoi bashkinë e Korçës për mungesën e theksuar të mobilizimit gjatë përmbytjeve dhe shtoi se pavarësisht se ishte kërkuar ndihma e Forcave të Armatosura, rezultatet janë shumë të dobëta krahasuar me Shkodrën që e konsideroi si ‘bashki’ kampione për menaxhimin e përmbytjeve.

Ai foli edhe për faktin se një prej qytetareve i kishte dërguar një komunikim që kishte pasur me ekipet e emergjencave civile dhe këto të fundit, nuk i ishin përgjigjur denjësisht.

Pjesë nga fjala e Ramës:

Tanimë është fakt që të gjithë vendet do përballen me zjarre në periudhën e verës dhe me përmbytje në periudhën e vjeshtës. Natyra e këtyre fenomeneve ka ndryshuar dhe ndryshon çdo vit. E kemi parë të gjithë se çfarë ndodhi në Austri dhe e pamë se çfarë ndodhi këtu ku u përmbyt Vlora.

Ka ndryshuar komplet formacioni i treshit. Para ca kohësh u bë spektakolare përmbytja në Dubai ku në harkun e 18 orëve, ra një sasi shiu e barabartë me atë të 4 muajve rresht. Nuk ka infrastrukturë, sado ekselente të jetë që të mund të absorgojë goditjen e parë.

Ajo që ne duhet ta rregullojmë është dobësia që shfaqim në reagimin tonë. Duke e marrë tek përmbytjet, është e domosdoshme që të ketë një fokus të veçantë në mënyrën sesi të rrisim koordinimin dhe efikasitetin e veprimeve me strukturat e qeverisë qendrore. Në sferën e emergjencave civile, Italia është ekselente. E keni parë vetë çfarë situatash ka kaluar, por arsyeja përse sjell si shembull Italinë është për të gjithë rrjetin e gatshëm për emergjenca që nuk janë vetëm të punësuar por edhe rezervistë. Kjo kërkon një vëmendje shumë të posaçme.

Po marr prefekturën e Korçës që ka deklaruar 1491 forca dhe ka kërkuar mbështetje nga forcat e armatosura pa arritur të organizojë mbi 70% të forcave që ka deklaruar aktive. Prefektura e Shkodrës është ajo me angazhimin më të lartë dhe ka përdorur më shumë kapacitete se ato të deklaruara dhe mbështetje nga FA ka kërkuar vetëm në pak raste.

Rezultatet në preferkturën e Korçës ku FA janë kërkuar në mënyrë të vazhdueshme dhe rezultati ka qenë i dobët pavarësisht shpenzimit të madh të energjive. Rezultatet kanë qenë më të dobëta sesa në Shkodër që do të thotë që kjo kërkon strukturim dhe koordinim të vazhdueshëm. Duhen bërë stërvitje. Nuk mundet të mbajmë Shqipërinë pa zjarre, por duhet të luftojmë për çdo metër katrorë që mund të shpëtojmë. Është një dështim që nuk kemi si ta justifikojmë. Prandaj i kam kërkuar ministrit të Mbrojtjes të ndërtohet një plan pune për emergjencat lokale. Të jetë një plan veprim që të gjithë ta dinë se kush bën çfarë dhe jo të alarmohen.

Një qytetare më dërgoi komunikimin me emergjencat civile, nuk ishte aspak korrekt. Në radhë të parë duhet një solidarizim.

Shikon bashki si Kamza që realizojnë 100% të buxhetit. Nëse unë tani do bëj gabim t’i lë fjalën Rakipit, do më thotë që do më shumë. E njëjta gjë edhe bashkia e Vorës ka bërë punën e duhur për fondin e emergjencave civile. Pse duhet të kemi bashki të tjera që kanë 3% të buxhetit dhe nuk po ia përmend emrin këtu, kam respekt për drejtuesin e bashkisë. Por 3%? Ndërkohë që bashkia e Shkodrës 95%. Tani pse bashkia e Shkodrës kaq ndërkohë që bashkia e Vaut të Dejës 55%.

Rama tha se këto shifra tregojnë se aty ku ka vëmendje, fondi i emergjencave civile përdoret, ndërsa aty ku nuk ka vëmendjen e duhur, nuk përdoret fondi. Versus.al